Densaýlyq mınıstri qaıtys bolǵan dárigerlerdiń jaqyndaryna memlekettik nagradany tabystady

NUR-SULTAN. QazAqparat - Densaýlyq saqtaý mınıstri A. Tsoı qaıtys bolǵan dárigerlerdiń jaqyn-týystaryna memlekettik nagradalardy tabystady, dep habarlaıdy QazAqparat mınıstrliktiń baspasóz qyzmetine silteme jasap.

QR Densaýlyq saqtaý mınıstri A. Tsoı qyzmettik boryshyn óteý adal atqarǵany jáne azamattardyń densaýlyǵyn saqtaý jolyndaǵy qajymas eńbekteri úshin Qazaqstan Respýblıkasynyń Prezıdenti Q.Toqaevtyń 2020 jylǵy 13 shildedegi № 370 Jarlyǵymen qaıtys bolǵannan keıin marapattalǵan medıtsına qyzmetkerleriniń birqatar týystary men jaqyndaryna memlekettik nagradalardy tabys etti.

ІІ dárejeli «Barys» ordenimen:

Qaırat Qajymanuly Baımuhambetov - Almaty oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy;

Bekjan Serikbosynuly Bulanov - «Semeı medıtsına ýnıversıteti» KeAQ Ýnıversıtettik gospıtaliniń bólimshe meńgerýshisi;

«Parasat» ordenimen:

Baqbergen Saǵymqojauly Aıjigitov - Qaraǵandy oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentiniń Buhar jyraý aýdandyq basqarmasynyń bas mamany;

«Qurmet» ordenimen:

Bolatbek Nákibaıuly Aısaýytov - Masǵut Aıqymbaev atyndaǵy Asa qaýipti ınfektsııalar ulttyq ǵylymı ortalyǵy» RMK dárigeri;

Nurgúl Ramazanqyzy Barqybaeva - «Semeı medıtsına ýnıversıteti» KeAQ Ýnıversıtettik gospıtaliniń dárigeri;

Vladımır Pavlovıch Merkýlenko - Qazaq onkologııa jáne radıologııa ǵylymı zertteý ınstıtýtynyń sanıtary.