Densaýlyq mınıstri Almatydaǵy medıtsınalyq nysandardyń jappaı vaktsınatsııalaýǵa daıyndyǵyn tekserdi

ALMATY. QazAqparat - Búgin Densaýlyq saqtaý mınıstri Alekseı Tsoı Almatyǵa sapary barasynda medıtsınalyq nysandardyń halyqty jappaı vaktsınatsııalaýǵa daıyndyǵyn tekserdi, dep habarlaıdy QazAqparat vedomstvonyń baspasóz qyzmetine silteme jasap.

Mınıstr qaladaǵy iri statsıonardyń biri - №7 kópbeıindi klınıkalyq aýrýhanany aralady, onda 722 tósek-oryn bar. Orta eseppen munda táýligine 250-300 patsıent túsedi. Jylyna 77 myń adam qaralady. Onyń ishinde orta eseppen 30% -y, ıaǵnı 23 myńnan astam adam aýrýhanaǵa jatqyzylady. Statsıonarǵa emdeýge jatqandardyń 80% shuǵyl jáne 20% josparly túrde emdeledi.

Klınıkany aralaý barysynda A.Tsoı ıntensıvti terapııaǵa muqtaj KVI juqtyrǵan patsıentterge sapaly statsıonarlyq kómek kórsetýdiń mańyzdylyǵyn atap ótti.

Densaýlyq saqtaý mınıstri jaǵdaıy aýyr naýqastardy reanımatsııada emdeý úshin eldiń eń úzdik dárigerlerin konsýltatıvtik kómekke tartý qajettigin aıtty.

Mınıstr №4 qalalyq emhaǵa da bardy, munda halyqty koronavırýs ınfektsııasyna qarsy jappaı vaktsınatsııa júrgiziledi. Emhana birden 83 690 adamǵa alǵashqy medıtsınalyq-sanıtarııalyq, konsýltatsııalyq-dıagnostıkalyq qyzmet kórsetedi, onyń ishinde eresekter – 66 509, balalar – 17 181.

Densaýlyq saqtaý mınıstri bastapqy medıtsınalyq uıymnyń medıtsına qyzmetkerlerine tirkelgen halyqty barynsha qamtý úshin jappaı vaktsınatsııalaýdy uıymdastyrý qajettigin aıtty. Sonymen qatar, ol emhana qyzmetkerleri úshin vaktsınatsııanyń oń áseri týraly halyqqa túsindirý jumysyn júrgizý mańyzdy ekenin, bul vırýstyń taralýymen kúresýdiń jalǵyz tásili ekenin atap ótti.

Eske sala ketsek, Almaty qalasyna jumys sapary barysynda Densaýlyq saqtaý mınıstri Alekseı Tsoı sanepıdbaqylaý, medfarmbaqylaý aýmaqtyq departamentteri mamandarynyń qatysýymen KVI-men kúres jónindegi shtabtyń kóshpeli otyrysyn ótkizdi.