Densaýlyq mınıstri: Adamnyń mıy ólgennen keıin organdy berýge qarsy bola almaıdy
«Qazir bul másele tekserilip jatyr. Búgingi tańda adam deni saý kezinde arnaıy jazba qaldyrsa jetkilikti, ony osyndaı uqsas jaǵdaılar bolǵan kezde týysqandary dárigerlerge bere alady. Eger adam ólim aýzynda jatsa, adamnyń mıy ólgen bolsa, organdy berý-bermeý máselesi onyń týysqandarymen talqylanady. Eger týysqandarynyń qolynda jańaǵy óziniń kelispeýshiligin rastaıtyn sózi bolsa, organdy almaýǵa bul jetkilikti», - dedi mınıstr.
Onyń aıtýynsha, qazir mınıstrlikte osyndaı bas tartý deregin «Azamattarǵa arnalǵan úkimet» elektrondy júıesi arqyly tirkeý múmkindigi qarastyrylyp jatyr.
«Ózge elderde osyndaı tájirıbe bar. Elektrondy bas tartý deregi jeke kýálik nemese júrgizýshi kýáliginiń chıpyna tirkeledi», - dedi mınıstr.
E.Birtanov daýly máseleni osydan 7 jyl buryn zań jobasyn qabyldar kezde túsindirý jumystarynyń durys júrgizilmegenimen baılanystyrdy.
«Dárigerler qazirgi zań sheńberinde jumys jasady. Búginde týysqandarda marqumnyń dene múshelerine ıelik etý quqyǵy azaıdy. Zańǵa ózgeris enip jatsa, bul transplantologııa salasyn toqtatady. Myńdaǵan muqtaj adam qaza bolady. Bizdiń zańnama halyqaralyq qaǵıdattarǵa negizdelip jasalǵan», - dedi Eljan Birtanov.
Aıta ketý kerek, BAQ-ta qaıtys bolǵan 22 jastaǵy aqtóbelik jigittiń týysqandary marqumnyń búırekterin olardyń kelisiminsiz aldy dep daý shyǵarǵan bolatyn. Olar muny máıithanada bilip, prokýratýra men polıtsııaǵa aryz túsirgen.
QR Densaýlyq saqtaý mınıstrligi Qazaqstanda ólgen adamnyń múshelerin shuǵyl jaǵdaıda onyń týystarynyń kelisiminsiz ózge naýqastarǵa transplantatsııalaýǵa bolady dep túsinikteme bergen bolatyn.
ıAǵnı, adam kózi tirisinde múshelerin alýǵa kelisimin bermeıtindigin resmı, jazbasha túrde jazyp qaldyrmaıtyn bolsa, onda ol kelisimin berdi dep topshylanady.
QR «Halyq densaýlyǵy jáne densaýlyq saqtaý júıesi týraly» zańynyń 169-baby 10-bóligine sáıkes, múrdeniń múshelerin alý kezinde dárigerler kelisim prezýmptsııasyna arqa súıeıdi.
