DENSAÝLYQ: Qyzylsha shyrynynyń paıdasy qandaı?
ASTANA. QazAqparat - Eger qan aınalymyńyz durys emes bolsa, onda sizge qyzylsha kómektesedi. Qyzylsha shyryny qan aınalym júıesindegi bulshyq et talshyqtarynyń sanyn kóbeıtedi, dep jazylǵan «Massaget» portalynyń «Densaýlyq» aıdarynda.
Bul talshyqtar júgirý kezinde adamnyń únemi sergek júrýin qamtamasyz etedi.
Adam sportpen aınalysqan kezde múmkindiginshe qyzylshadan jasalǵan shyryn ishýi tıis. Óıtkeni, qańqa bulshyq etterinde qan aınalymyn jaqsartatyn azot qyshqyl tuzy bar. 100 gramm saýmaldyqta qansha azot qyshqylynyń tuzy bolsa, qyzylsha shyrynynynda da sonsha bolady. Ol aǵzada qan tamyrlaryn keńeıtetin azot totyǵyna aınalady.
Zertteý nátıjesine sáıkes, bulshyq ettegi talshyqtardyń jaqsarýy qan aınalymyn 38 paıyzǵa jaqsartady eken. Bul, ásirese, tez qysqaratyn talshyqtar úshin paıdaly.
Shyrynnyń taǵy bir paıdasy - aǵzada qyshqyl joǵary bolýymen kúresedi. Qandy tazartyp, qanazdyqty emdeıdi. Sonymen birge, qyzylshada kalıı, magnıı, nıatsın, temir men bıotın sekildi paıdaly elementter kóptep kezdesedi.
