Densaýlyq kúni dárigerlerler tegin konsýltatsııalyq-dıagnostıkalyq kómek beredi
Bıyl atalmysh kún «Densaýlyq saqtaý qyzmetterimen jalpyǵa birdeı qamtý: barlyǵy úshin jáne búkil jerde» aıdarymen 2016-2019 jyldarǵa arnalǵan «Densaýlyq» memlekettik baǵdarlamasynyń sheńberinde atalyp ótedi.
Atap aıtqanda, Dúnıejúzilik densaýlyq kúnin merekeleý sheńberinde eldiń medıtsınalyq uıymdarynda 1-10 sáýir aralyǵynda ashyq esik kúnderi bastalady.
Árbir nıet bildirýshi óziniń densaýlyǵynyń jaı-kúıi týraly arnaıy mamandardyń konsýltatsııalyq-dıagnostıkalyq jáne praktıkalyq beıindi mamandardyń kómegin tegin ala alady. Olar: oftalmolog, otorınolarıngolog, kardıolog, nevropatolog, travmatolog, pedıatr, psıhıatr-narkolog, endokrınolog, balalar ortopedi, logoped, defektolog jáne basqalar.
Buǵan qosa, Dúnıejúzilik densaýlyq kúni sheńberinde elimizdiń barlyq medıtsına uıymdarynda fleshmobtar, jattyǵýlar, velomarafondar jáne t.b. is-sharalar uıymdastyrylady.
Jalpy bilim beretin mektepterde Densaýlyq elshileriniń, tanymal sportshylar, ánshiler, akterlerdiń qatysýymen jattyǵýlar ótedi.
Densaýlyq mektepterinde, alǵashqy medıtsınalyq-sanıtarlyq kómek uıymdarynda halyqpen medıtsına qyzmetkerleriniń, psıhologtardyń, áleýmettik qyzmetkerlerdiń «Ýaqtyly skrınıng ótý» taqyrybynda kezdesýler ótedi.