DENSAÝLYQ: Kózdi emdeýdegi qyzanaqtyń paıdasy
ASTANA. QazAqparat - Jaz mezgilinde súıip jeıtin kókónisterdiń biri -qyzanaq. Al onyń tyń paıdasy jaıly bile júrý artyq bolmas. «Massaget» portalynyń Densaýlyq aıdaryndaǵy kerek keńesti oqyrman nazaryna usynamyz.
Qyzanaqtyń quramy V1, V2, V5, V6 jáne A, E, S sııaqty dárýmenderge baı.
Qyzanaqty únemi paıdalana otyryp, ımmýndyq júıeni nyǵaıtyp, júrek qyzmetin jaqsartyp, as qorytýdy rettep, holesterındi azaıtýǵa bolady.
Qyzanaq qandaı aýrýlardy emdeýge qaýqarly?
Psorıaz, ekzema sııaqty túrli teri aýrýlary kezinde kúnine qyzanaqtyń, kem degende bireýin jeý kerek. Sodan keıin teride oń ózgeris bolady. Qyzanaq túrli maskalar jasaýǵa da tıimdi.
Qyshqyldylyǵy tómen gastrıt jáne asqazan jarasy kezinde kúnde jańa pisken qyzanaq shyrynyn tuz qospaı ishýge bolady. Ony kúnine úsh ret, jarty staqannan tamaqtan keıin qoldaný qajet. Emdeý kýrsy eki aptaǵa sozylady.
Jańa pisken qyzanaq ratsıonyńyzǵa engizilgen bolsa, kúızelis jáne nashar kóńil kúıdi ońaı eńserýge bolady. Qyzanaqtyń quramynda serotonın, ıaǵnı baqyt gormony bar. Osy gormon jetkilikti mólsherde bólinbegen jaǵdaıda adam kúızelistik kúıge tez túsedi. Sondyqtan, qyzanaq júkti áıelder úshin óte paıdaly.
Qyzanaq kataraktanyń aldyn alady
Eger qyzanaqty súıip jeseńiz, kózińiz jas ulǵaıǵanda paıda bolatyn kataraktadan qorǵaıdy. Óıtkeni qyzanaqtyń quramynda V2, rıboflavın dárýmenderi bar. Al arnaıy zertteý júrgizgen mamandar bul dárýmenderdi qoldanatyn adamdar kóz aýrýynyń osy túrinen zardap shekpeıtinderine kóz jetkizgen.
Qyzanaqtyń quramynda beta-karotınniń kóp bolýyna baılanysty qyzanaqty taǵamdardy jıi qoldanatyndar kózderiniń ótkirligimen maqtana alady.
