DENSAÝLYQ: Qoryldaýdan qalaı qutylýǵa bolady?
ASTANA. QazAqparat - Qoryldaý - óte jaǵymsyz qasıet. Ásirese, ushaqta nemese avtobýsta, taǵy da basqa kópshilik ortada qoryldap uıyqtaý ózińe yńǵaısyzdyq týǵyzyp, ózgeler jaqtyrmaı qalady. Al, osy qoryldaýdan qutylǵyńyz kelse, myna keńesterdi qoldanyp kórińiz, dep jazady Massaget portalynyń «Densaýlyq» aıdary.
1. Dıeta ustańyz.
Artyq salmaǵy bar, orta jastaǵy er adamdar ádette, kóp qoryldaıdy. Al salmaq azaıtý, qoryldaýdan qutqarady. Er adamdar óz salmaǵynan 20 paıyzǵa artyq semirse olarda qoryldaý paıda bolady. Al bul áıelderde 30-40% artyq salmaq qosqan kezde paıda bolady.
2. Іshimdikten bas tartyńyz.
Alkogoldi sýsyndardy paıdalanbańyz, olar qoryldaýdy odan ár arttyrady.
3. Temekini tastańyz.
«Shylym shegetinder qoryldaýǵa beıim bolady», - deıdi dáriger Erl Dann. Sondyqtan, shylym shegýdi toqtatyńyz.
4. Jastyǵyńyzdy durystańyz.
Jastyǵyńyz qanshalyqty bıik bolsa, soǵurlym qoryldaýyńyzdyń kúshi arta túsedi. Ózińizge yńǵaıly kishigirim jastyqta uıyqtańyz.
5. Bir jaǵyńyzben uıyqtańyz.
Eger siz qoryldaıtyn bolsańyz, arqamen jatyp uıyqtamaýǵa tyrysý qajet. «Qatty qoryldaıtyndarǵa bul áser etpeıdi, alaıda, keıbir jandarǵa bir jaǵymen jatqanda bul tásil áser etedi», - deıdi dáriger Erl Dann.
