Densaýlyq qorǵaý júıesinde túbegeıli ózgerister kerek - QR Prezıdenti
NUR-SULTAN. QazAqparat - Densaýlyq qorǵaý júıesinde túbegeıli ózgerister kerek. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Qazirgi daǵdarys búkil álemge medıtsına, bilim berý, áleýmettik qorǵaý syndy áleýmettik sala máseleleri qanshalyqty mańyzdy ekendigin kórsetip berdi. Bizge densaýlyq qorǵaý júıesiniń sapasyn arttyrýǵa, medıtsınalyq mekemelerdi tolyqqandy tehnologııalyq qaıta jabdyqtaýǵa, medıtsına qyzmetkerleriniń quziretin arttyrýǵa baǵyttalǵan túbegeıli ózgerister qajet. Shuǵyl áreket etý júıesin beıimdeý kez kelgen sıpattaǵy tótenshe jaǵdaıǵa talap etiledi», - dedi QR Prezıdenti.
Memleket basshysy halyqty ınfektsııalyq baqylaý, telemedıtsına engizý jáne qashyqtan dıagnostıkalaý úshin ádister ázirlenýi tıistigin basa aıtty.
«Ulttyq sanıtarlyq-epıdemıologııalyq qyzmetti túbegeıli kúsheıtýge týra keledi», - dedi Qasym-Jomart Toqaev.
