DENSAÝLYQ: Kompıýter aldynda uzaq otyratyn bolsańyz, sábiz shyrynyn ishińiz
ASTANA. QazAqparat - Qazirgi tańda jumysymyzdyń kóp bóligin kompıýterdiń kómegimen atqarýǵa týra keledi. Al onyń kózimizge, jalpy densaýlyǵymyzǵa zııandy tustaryn aıtpaı-aq belgili. Sondyqtan dáriger mamandar kózimizdi qorǵaý úshin sábiz shyrynyn ishýge keńes beredi, dep jazady islam.kz.
Ol adamnyń optıkalyq júıesin jaqsartady. Onyń quramyndaǵy paıdaly elementter qanaınalymdy da qalypqa keltirýge kómektesedi. Sonymen qatar, júrek-qan tamyr aýrýlary, búırek, baýyr aýrýlaryna shaldyqqan kezde óte paıdaly. Ony asqazan sóliniń qyshqyldyǵyn tómendetý úshin de tutynady. Kúnine bir ret 100 ml-den qabyldańyz. Oǵan sút nemese qaımaq qosyp ishýge bolady.
Jótel kezinde sábiz shyryny men sútti birdeı kólemde staqanǵa quıyp, kúnine birneshe ret ishińiz. Súttiń ornyna maıly kilegeı qossańyz da bolady. Shamamen 100 ml shyrynǵa 1 as qasyǵy jetkilikti. Sozylmaly demikpege shaldyqsańyz kúnine 4-6 ret 1:1:0,2 proportsııada shyryn qospasyn qaınaǵan sútpen jáne balmen aralastyryp ishińiz. Bul qospany mindetti túrde jyly kúıinde tutynýyńyz kerek. Aýyz qýysynyń aýrýlaryna, angınaǵa ushyrasańyz tamaǵyńyzdy sábiz shyrynymen shaıyńyz. Sábiz, qyzylsha, qııar shyrynynyń qosyndysy arqyly baýyryńyzdy ártúrli aýrýdan qorǵaı alysyz. Ony ót qabyna tas baılanǵan kezde de tutynyńyz. Sábiz sýsynyn kúnine 1-2 lıtr iship tursańyz, densaýlyǵyńyzdy túrli aýrýdan aman alyp qalýǵa bolady.
