DENSAÝLYQ: kók shaıdyń erekshe paıdasy
ASTANA. QazAqparat - Kók shaı salmaqty azaıtýǵa arnalǵan keremet sýsyn. Ol sonymen qatar, qandaǵy qanttyń kólemin rettep, maı jasýshalarynyń jańarýyna, salmaqtyń azaıýyn áser etedi.
Kók shaıda katehınder dep atalatyn tabıǵı zat bar. Ol zat almasý protsesin tezdetip, tábetti tómendetedi. Gollandııadaǵy Maastrıhta ýnıversıtetiniń zertteýshileri 11 jyl boıy júrgizilgen zertteýdiń nátıjesinde katehınniń salmaqty azaıtatynyn da anyqtady. Katehınder kofeınmen birleskende áser jaqsy bolmaq.
Al basqa zertteýler kók shaı quramyndaǵy katehınder maıdyń jalpy kólemi men qaryndaǵy maıdyń mólsherin azaıtatynyn kórsetti. Kók shaı maıdy ketirip, dene jattyǵýlaryna qosymsha kómektesedi. Kelesi joly dúkenge barǵanda kók shaıǵa basa nazar aýdaryńyz. Alaıda, paketke oralǵany emes, kádimgi túıirshiktelgen shaıdy alyńyz. Sapaly kókshaıdyń arzan bolmaıtynyn da umytpańyz. Sondaı-aq, birneshe kese kók shaı sizdi dereý aryqtatyp jiberedi dep oılamańyz. Bul jattyǵý jumystary men durys tamaqtanýǵa ústeme ǵana.
