DENSAÝLYQ: Kimderge velosıped tebýge bolmaıdy?
ASTANA. QazAqparat - Kez kelgen sport túrleri sekildi, velosıped tebý de densaýlyqqa óte paıdaly. Eger adam densaýlyǵynda qandaı da bir aqaý joq bolsa, eger ol azǵantaı ýaqytta velojarystan Olımpıada chempıony bolýǵa daıyndalyp jatpasa, árıne. Salmaq túsirý protsesinde de velosıped tebýdiń paıdasy zor. Tek fızıkalyq aýyrtpalyqtar men tamaqtaný rejımin aǵzańyz kótere alatyn bolsyn.
Qos dóńgelekti velosıpedte daıyndalý eń aldymen shydamdylyqty, sodan soń, kúshti talap etedi.
Velosıped tebý kezinde mynadaı ózgerister oryn alady:
- júıeli túrde velosıped tebý júrek pen býyn qyzmetin jáne qan aınalý protsesin jaqsartady;
- jalpy dene daıyndyǵy jaqsarady;
- ımmýnıtet joǵarylaıdy;
- velosıped tebý kezindegi deneniń erekshe qımyldaýy áserinen jambastaǵy qan aınalym mólsheri artady. Sodan soń, árıne, kóptegen dertterdiń aldyn alady.
- ókpe tazarady. Árıne,ol úshin siz velosıpedtpen júrip ótetin baǵytyńyzdy durys tańdaýǵa tıissiz (máselen, tabıǵat aıasyna shyǵý). Bul kezde terige kóp ottegi sińip, mı taza aýamen demalady.
- kózdegi artyq salmaqtan aryltady (velosıpedpen júrgen jarty saǵat ishinde 330-ǵa jýyq kalorııa joıylady). Maı qabattaryn jumsaý úshin pedaldi qarqyndy túrde 30 mınýt boıy aınaldyrý kerek. Aldymen alma kezek tez ári jaı júrýdi retteńiz: 10 mınýt boıy asyqpaı, bappen júrińiz de, keıingi 5 mınýtta quddy veloshabandoz sekildi tez júrińiz. Sodan keıin qaıtadan birqalypty kúıge túsip, jyldam júgirýge qaıta kóńil bólińiz.
- aıtpaqshy, pedaldi 70-80 aınalym jıiligimen aınaldyrý varıkozdy tamyrlardy keńeıtip, uzyndyǵy ártúrli aıaqtardy teńestirýge de kómektesedi.
- rýli joǵary ornalasqan velosıped arqańyzdy tik ustaýǵa serpin beredi. Sondaı-aq, arqa bulshyq etteri de shynyǵa túsedi.
Bári de óz mólsherimen oryndalsa, nátıje de kóp kúttirmeıdi. Rekord ornatamyn dep talpynýdyń qajeti joq. Eger velosıpedti durys teppeseńiz, túrli aýrýlardy jamap alýyńyz múmkin. Ásirese, tizeńizge túsetin salmaq kóp bolady. Sol sebepti, olardy únemi jyly ustap, uzaq sapardan keıin aǵzańyzǵa demalys berýdi umytpańyz. Sýdy meıilinshe molyraq ishińiz. Óıtkeni, veloıspedpen júrgende aǵzadaǵy sý kóp shyǵyndalady. Biraq sý ishý rejımin de óz densaýlyǵyńyzǵa qaraı retteńiz.
Kimderge velosıped tebýge bolmaıdy?
Vestıbýlıarly apparat syrqattarymen aýyratyn adamdarǵa, sondaı-aq, arqa omyrtqasynyń qısaıýy jáne omyrtqa arasyndaǵy jaryq baıqalǵan jandarǵa veloısped tebýge bolmaıdy. Prostatıt pen prostat kaltsınatymen aýyratyndar úshin de velosıped tebýge ruqsat etilmeıdi. Osteohandroz, menısk, varıkoz jáne basqa da syrqaty barlardyń velosıpedke áýestenbegeni jón. Júrek jáne júrek qan tamyrlary syrqaty tabylǵan jandarǵa da velosıped tebýge ruqsat joq!
Aqparat QR Sportttyq jekpe jek jáne kúsh qolanylatyn sport túrleri konfederatsııasynyń confederation.kz saıtynan alyndy.
