DENSAÝLYQ: Keńsedegi tabıǵattyń ásem úni adamdy sergitip, qabiletin asha túsedi
ASTANA. QazAqparat - Úndistan ǵalymdarynyń zertteýinshe, eger keńsede tabıǵat dybystary shyǵyp tursa, qyzmetkerlerdiń kóńil-kúıi kóterilip, eńbek ónimdiligi arta túsedi, dep jazady «Rosbalt».
«The Hindustan Times» basylymynyń jazýynsha, osy maqsatta ǵalymdar arnaıy ǵylymı zertteý jumysyn júrgizgen. Onda keńse qyzmetkerleriniń jartysynyń kompıýter monıtoryna qońyraý shalý, gúbir-gúbir áńgime, keńse tehnıkasynyń tyrsyly sekildi dybystar engizedi de, jartysyna tabıǵattyń ásem daýysyn, sýdyń syńǵyryn, japyraqtyń sybdyryn, qustardyń saıraǵan únin shyǵaryp qoıady.
Nátıjesinde, taýdaǵy ózennen aqqan syldyrlaǵan sý syńǵyry jumysqa bóget keltirmeıtini , tipti, ol ózge aıqaı-shýǵa kóńil aýdarmaı, oıdy jınaqtaýǵa jaqsy áser etkeni anyqtalady. Osydan keıin, keńsede ornalasqan aýdıojúıe arqyly osy syndy tabıǵı dybystardy oınatýǵa keńes beriledi. Zertteý kórsetkendeı, tabıǵat úni adamdarǵa tek oń áser etip, eńbek ónimdiligin arttyrady. Sarapshylar mundaı tásildi keńsede ǵana emes, aýrýhanalarda da paıdalanýǵa bolatynyn aıtady.
