DENSAÝLYQ: Qandaı azyq-túlik qospalary zııandy?
ASTANA. QazAqparat - confederation.kz saıtynda jarııa bolǵan zııandy azyq-túlik qospalary týraly maqalany oqyrman nazaryna usynamyz.
Shujyq. E250 - qyzǵylt tús beretin azyq-túlik qospasy. Bul qospa qaryny men baýyry, ót qaby aýyratyn adamdarǵa keri áser beredi. Mundaı qospa qaqtalǵan balyqta bolady.
E621 - bul natrıı glýtamaty, sirke sýynyń qýatyn arttyrýshy. Toksıkalyq zat. Buryn qytaı ashanasynda bul kúshtep qoldanylyp, ortalyq júıke júıesiniń buzylýyna alyp keldi. Azǵantaı kólemi asa qaýipti emes. Biraq fastfýdty (tez daıyndalatyn lapsha, qatqan nandar men chıpster) kóp jeıtin adamdar úshin zııany mol ekenin eskertý qajet.
E122 - boıaǵysh. Kóptegen taǵamdarda kezdesedi. Al eýropa elderindegi ashanalardyń biraz bóligi allergııany arttyrady dep, paıdalanýǵa ruqsat etpeıdi.
Maıonez. E466- maıonez qatparlanyp ketpeýi úshin stabılızatordyń qyzmetin atqarady. Kóptegen adamdarda dıareıanyń paıda bolýyna ákeledi. Arzan maıonezderde kóp qoldanylady.
E260 - ashytý kezinde qoldanylatyn sirke sýy. Zııandy emes.
Gazdalǵan sý. E211 - kóptegen jaǵdaıda allergııany arttyratyn zat. Kóptegen fermentterdiń belsendiligin arttyrady, aǵzany ýlaıdy.
E338 - qyshqyldyq jáne siltilik tepe-teńdikti ózgertedi, asqazandaǵy qyshqyl kólemin ulǵaıtady, búırekte tastyń jınalýyna ákeledi.
E330 - lımon qyshqyly. Bul zııansyz. Bir kezderi bul qospa kantserogenli dep jazylǵan, alaıda, dáleldengen joq.
Nan. E503 - ammonıı karbonaty. Tynys alý júıesine keri áserin tıgizgýi múmkin.
E500 - soda. Sodanyń zııany joq.
Alma. E230, 231, 232 - dıfenıl. Munymen almany óńdeıdi. Ony almanyń qabyǵynan alyp tastaý múmkin emes. Sondyqtan, almany tazalap jegen paıdaly. Bul qospa baýyr men búırek jáne júıke júıesiniń jumysyna kedergi keltiredi.
