DENSAÝLYQ: Halyq medıtsınasyndaǵy tis kútiminiń birneshe tásili
ASTANA. QazAqparat - Tis pen qyzyl ettegi máseleler erte me, kesh pe barlyq adamdy mazalaıdy. Tistiń aýyrsa, stomatologııalyq emhanalarǵa habarlasqan jón. Alaıda, tisti úıde aǵartý úshin halyq medıtsınasyndaǵy ábden synalǵan ádiske júginip kórelik.
Tuzdyń kómegimen tisti aǵartyp, qataıtý
Tuz qyzyl ıekti jaqsy qataıtyp, aýyzdaǵy jaralardy jazady. Sondaı-aq, aýyzdan jaǵymsyz ıistiń shyǵýyna jol bermeı, tisti aǵartady. Kez kelgen usaqtalǵan tuz tiske kómektesedi. Alaıda, teńiz tuzynyń jóni bólek. Sýǵa jýylǵan marliniń bir bóligine tuz salyńyz da, tisińiz ben qyzyl ıegińizdi súrtińiz. 1 shaı qasyq tuzǵa 1 as qasyq záıtún maıyn qosyp (ósimdik maıyn da qoldanýǵa bolady) pasta jasaýǵa da bolady. Aralasqan maı men tuzdy qolǵa jaǵyp, 5 mınýt boıyna tisińizdi súrtińiz.
Sodanyń kómegimen tisti aǵartyp, qataıtý
Tis pen qyzyl ıekti qataıtýdyń eń qarapaıym tásili - tis şetkasyna azdaǵan pasta jaǵyp, ústine soda sebý. Mundaı ádisti aptasyna 1 ret qaıtalańyz. Óıtkeni, kóp qaıtalasa emal ketip qalýy múmkin.
Mynadaı pastany jasaýǵa da bolady: jarty shaı qasyq sodaǵa 10-12 tamshy sýtek totyǵyn jáne azdaǵan lımon shyrynyn qosyńyz. Sodan soń, birneshe mınýt boıyna tisti eki jaǵynan maqtamen súrtińiz. Protsedýra aıaqtalǵan soń, 15 mınýt boıy eshteńe iship-jemeńiz. Mundaı retsept aýyzdan jaǵymsyz ıis shyǵarmaıdy, sondaı-aq, qyzyl ıekti qataıtyp, tisti aǵartady.
Tisti aǵartyp, qataıtýǵa arnalǵan, úı de daıyndalatyn pasta
Qyzyl ıek isigin emdep, aýyzdan shyǵatyn jaǵymsyz ıisten arylyp, qyzyl ıekti qataıtyp, tisti aǵartý úshin kelesi retseptti qoldanyńyz: 1 shaı qasyq usaq tuz ben 1 shaı qasyq baldy aralastyryńyz. Bul qospamen tisińizdi aptasyna 1-2 ret jýyńyz.
Shaı aǵashynyń maıymen tisti aǵartyp, qataıtý
Shaı aǵashynyń maıy bakterııaǵa jáne asqynýǵa qarsy dári retinde tanymal. 1 stakan qaınaǵan sýǵa 3-4 tamshy shaı aǵashynyń maıyn qosyńyz da, aýzyńyzdy osy qospamen júıeli túrde shaıyp turyńyz. Eger qyzyl ıegińiz asqynǵan bolsa, shaı aǵashynyń maıymen shylanǵan maqtany tisińiz ben qyzyl ıekke basyńyz. Aqparat confederation.kz saıtynan alyndy.
