DENSAÝLYQ: Gazdalǵan sý demikpege, epılepsııaǵa sebepker bolady
ASTANA. QazAqparat - Adam aǵzasynyń 70 paıyzy sýdan turatynyn jaqsy bilemiz. Biraq, ár adam sý tepe-teńdigin óz qalaýynsha ustaıdy. Keıbireýler birneshe kese kakao, kofe nemese shaı ishkendi jaqsy kóredi. Al keıbireýler úshin salqyn syra men sok nemese gazdalǵan sýdan artyǵy joq.
Alaıda, siz ishetin sýdyń sapasy belgili bir dene múshelerdiń ǵana emes, tolyq aǵzanyń da jumysyn baıaýlatýy múmkin.
Úlkender ǵana emes, kishkentaı balalar da bas tartpaıtyn gazdalǵan sý aǵzaǵa asa qaýipti. Gazdalǵan sýdy ishpeýge 4 sebep
Birinshi sebep - tez salmaq jınaısyz. Gazdalǵan sý aǵzaǵa jyldam áser etedi. Óıtkeni, óndirýshiler gazdalǵan sýǵa qanttyń kóp mólsherin qosady.
ıAǵnı, gazdalǵan sýdaǵy qanttyń mólsherin anyqtaý úshin 0,3 lıtr sýǵa on alty qasyq qant salamyn dep elestetińiz. Aıta ketý kerek, bul adamnyń kúndelikti normasynan birneshe ese kóp.
Ekinshi sebep - dıabet týyndaýy múmkin. Bir ret gazdalǵan sýsyn ishseńiz, uıqy bezi dereý ınsýlın bólip, qant sol boıda qanǵa sińiredi. Mundaı kezde adam aǵzasyndaǵy zatalmasý protsesi buzylady. Nátıjesinde, qant dıabeti paıda bolady.
Úshinshi sebep - hımııalyq qospalardyń bolýy. Gazdalǵan sýdyń zııan ekenin túsiný úshin organıkalyq zattarǵa tájirıbe jasap kórýge bolady. Sol kezde siz zattardyń qalaı buzylatynyn kóre alasyz.
Taǵy bir anyǵy, gazdalǵan sýlardyń quramynda kúkirt qyshqyly bar. Bul qyshqyl bas aýrýdy, rakqa sebep bolatyn baýyrdyń aýyrýyn kúsheıtedi. Budan bólek, gazdalǵan sý quramyna natrıı benzoaty, fosfor qyshqyly, aspartam men boıaǵysh zattar enedi. Bul elementter tis pen súıekter úshin zııandy. Sonymen qatar, mıdaǵy isiktiń paıda bolýyna, astmaǵa, epılepsııaǵa jáne allergııaǵa sebepker bolady.
Tórtinshi sebep - kofeınniń joǵary deńgeıi. Gazdalǵan sýsyndar adamnyń fızıkalyq belsendiligin arttyra túsedi. Bul úshin qanttan bólek, úlken kólemde kofeın qosatynyn da umytpańyz. Mundaı shyryndy ishken soń, qan qysymy kóterilip, kózdiń qarashyǵy keńeıedi. Mundaı faktordardyń barlyǵy aldaǵy ýaqytta adam densaýlyǵyna úlken kinárattar ákeledi. Máselen, holesterın kólemi artady, júrek jáne qan tamyrlarynda aýrýpaıda bolady. Sondaı-aq, uıqysyzdyqqa ushyraısyz.
Gazdalǵan shyryndardyń tek qana tátti bolyp qoımaı, mıneraldarmen baıytylatynyn da umytpańyz. Keńester confederation.kz saıtynan alyndy.
