DENSAÝLYQ: Energetıkalyq sýsyndardyń zııany
ASTANA. QazAqparat - Qaladaǵy ómir yrǵaǵy ońaı emes. Tańerteń árbir júrgizýshiniń uıyqtap otyratyny da anyq. Sergek bolýdyń eń ońaı ári qoljetimdi ádisi - energetıkalyq sýsyn ishý. Alaıda, dárigerlerdiń aıtýynsha, kúnine 300-500 ml-den kóp bolmasa ǵana, energetıkalyq sýsyndardyń aǵzaǵa zııany az bolady.
Energetıkalyq sýsyndardyń quramyna kofeınnen bólek, taýrın, ınozıt, amınqyshqyldary, rıboza jáne dáýrmender sekildi mıkroelementter kiredi.
Dárigerler energetıkalyq sýsyndarǵa zertteý júrgizip, shyndyqqa kóz jetizdi. Energetıkalyq sýsyn quramynda kezdesetin kofeın júrek soǵysynyń jıiligin azaıtatyn tahıkardııa aýrýyna «jol salady». Energetıkalyq sýsyndardy uzaq ýaqyt paıdalansańyz, arterıaldy qan qysymy kóteriledi. Balalar men aıaǵy aýyr áıelderge jáne qart adamdar men gıpertonııasy bar jandarǵa bul sýsyndy ishýge múlde bolmaıdy.
Alkogol aralasqan energetıkalyq sýsyn óte qaýipti. Bul qospa aǵzany demde sergitedi, alaıda aǵzaǵa úlken qaýip tóndiredi.
Mamandar tańerteń sergek bolýdyń ózge joldarynusynady. Dýsh pen súıikti ánińizge jattyǵý jasaý jaqsy áser etedi. Medıtsına mamandary kofeın qosylǵan sabynmen sýǵa túsýdiń áseri mol ekenin aıtady. Mundaı ádister eki kese kofe ishkendeı áserde qaldyrady. Eger sizdiń jattyǵý men dýsh qabyldaýǵa ýaqytyńyz joq bolsa, quramynda kofeın bar kók shaı ishken durys. Al tańerteń uıqydan sergek oıanýdyń eń ońaı joly - jeti saǵat boıy jaqsylap uıyqtaý.
Maqala confederation.kz saıtynan alyndy.
