DENSAÝLYQ: Durys tamaqtanýdyń erejeleri
ASTANA. QazAqparat - Durys tamaqtaný búginderi qajettilik qana emes sənge de aınaldy. Artyq salmaq jahandyq məselege bolǵaly beri ərbir adam, meıli qyz bala bolmasa er adam salmaq qosýdy durys kórmesi anyq. Ərıne, qatań dıeta ustaný, tek túrli dərýmenderge baı azyq-túlikterdi tamaqqa paıdalaný kez kelgen adam úshin ońaı, qoljetimdi bolmaýy múmkin. Degenmen, erik-jiger men tózimdilik qajet nətıjege jetkizetinin bərimiz bilemiz. Tómende biz usynǵan biraz keńester paıdańyzǵa jarar degen úmittemiz.
Bir staqan (nemese 2) sýdy ərbir tamaqtaný aldynda ishý. Sýdyń kúndik mólsheri 1,5-2 l (munyń ishine qalaýyńyzǵa qaraı qantsyz kók shaıdy qosýǵa bolady). Sý ashtyq sezimin qadaǵalap, zat almasýdy retke keltiredi. Qajetti mólsherde sý iship júrý aryqtaýǵa óz septigin tıgizedi. Kúnine 1,5 lıtr sý ishý siz úshin turaqty ereje bolsyn. Bul mólsherge shaı men túrli shyryndardy qospańyz. Adamnyń denesiniń 55-70 paıyzy sýdan turatynyn eseptesek, ol barlyq almasý, qyshqyldaný, termo retteý jáne basqa da protsesterge qatysady. Fızıkalyq jattyǵýlar, ystyq kezde nemese aýyrǵanda adam aǵzasyna odan da kóp sý qajet.
Zııandy/kallorııasy kóp taǵamdy túski saǵat 12-ge deıin jeýge bolady.
Ratsıondaǵy barlyq garnır túrin kókóniske almastyrý qajet.
Shujyqtar, sosıskalar, t.s.s. bas tartyńyz. Bul taǵamdardyń tek dene bitimińizge ǵana emes, densaýlyǵyńyzǵa da berer paıdasy joq.
Tamaqty 2,5-3 saǵat saıyn az ǵana bólikten jep turyńyz.
Uıqyǵa jatardan burynǵy tamaqtaný ýaqyty 3-4 saǵat.
Aptasyna bir ret ashyǵý kúnin jarııalańyz (súzbe/kók shaı).
Sporttyq jattyǵýlar. Trenajerlyq zal, kardıojattyǵýlar, jaıaý júrý, baspaldaqpen birneshe ret kóterilý/túsý.
Tamaqtaný kezinde sý ishpeý kerek jəne tamaqtanyp bolǵan soń da 40 mınýttaı suıyqtyq ishpeý.
20 gramm maıdy kúndikke ishken paıdaly (keýde, shash, teri úshin). Məselen zyǵyr maıynyń bir as qasyǵyn tańerteńgilik ash qarynǵa ishýge bolady nemese qazir paıdasyna kóp den qoıylyp júrgen qara zıreni (tmın) usynylymyna qaraı paıdalaný.
Tańertengilik as mindetti túrde ishilýi tıis.
Unnan jasalǵan taǵamdardy jəne təttilerdi shekteý nemese múlde jemeý (jemis-jıdekpen almastyrý).
Tańerteń uıqydan oıanǵan soń ózińizge yńǵaıly kez kelgen jattyǵý túrin jasańyz. Ol qan aınalymyn jəne zat almasý protsesin jaqsartady.
Asyqpaı shaınańyz. Jalpy tamaqtanýǵa kóbirek ýaqyt bólińiz. Mıǵa toıǵanymyz jaıly belgi jetkenshe, biz toıyp ta, artyq jep te úlgeremiz. Sondyqtan barynsha aqyryn, asyqpaı tamaqtanyńyz. Sondaı-aq tamaq jegende teledıdar qaraý ádetinen arylyńyz. Mı fılmdi túsinýden bosamaı, ne, qandaı mólsherde jegenińizdi baıqamaıdy. Artyq jep qoımaý úshin asyńyzdy kishkentaı tárelkege salyp jeýge bolady.
Ratsıonyńyzǵa óńdelmegen dándi daqyldardy qosý arqyly salmaqty qadaǵalaı alasyz. Botqalar, astyq dánderinen nan, mıýslı, qońyr kúrish syndy taǵamdardyń quramynda kóptegen dárýmender men paıdaly zattar bolady. Aǵzańyz osyndaı tamaq úshin sizge rıza bolyp, ishtiń qabynýy, artyq salmaq, teri kemshilikteri, asqorytýdaǵy qıyndyqtardan aman qalady.
Aqparat ǵalamtordan alyndy.
