DENSAÝLYQ: Búırek aýrýynyń basty belgileri qandaı?
ASTANA. QazAqparat - Búırek - adam aǵzasyndaǵy eń mańyzdy músheniń biri. Ásirese, áıelder qaýymy úshin mańyzdylyǵy óte zor. Sebebi, áıel adamnyń densaýlyǵy, sulýlyǵy men symbattylyǵynyń basty kepili. Sondyqtan da búırek jumysynyń nasharlaýy, onyń álsizdigi áıel aǵzasyndaǵy túrli dertterden habar beredi, dep jazady Massaget portalynyń Densaýlyq aıdarynda.
Nazarlaryńyzǵa aýrýdyń alty belgisin usynamyz.
1. Búırek álsizdiginen bet, aıaq-qol, kózdiń aınalasy isip ketedi. Búırek aǵzadaǵy sýdy retteıtindikten, onyń jumysy buzylsa, qan aınalymy nasharlaıdy. Muny retke keltirýdiń ońaı sheshimi uıqy aldynda sýdy az mólsherde iship, belge arnalǵan jattyǵý jasaý.
2. Áıelderdiń tez tońý sebebi búırek álsizdiginen bolady. Mundaı qubylysty jeńý úshin tamaqtaný ratsıonyn qadaǵalap, qoı eti, sıyr eti, aşy burysh, pııaz, zimbir sekildi azyqtardy kóbirek paıdalanǵan jón.
3. Búırek álsizdigi áıeldiń jynystyq qarym-qatynasqa qyzyǵýshylyǵyn tómendetip, sebepsiz ashýlanyp klımaks tym erte bastalýyna áser etedi. Sonymen qatar, búıregi álsiz adamdar tez qartaıady. Al munyń alyn alý úshin túrli emdik sharalardy paıdalanyp, jeńil jattyǵý túrlerin jasaǵan durys.
4. Bastyń aýrýy, uıqynyń buzylýy, mıdyń sharshaýy, oıdyń únemi bólinip ketýi de búırek álsizdiginen bolady. Aǵzadaǵy mundaı ózgeristerdi jeńý úshin qazdyń etin, sańyraýqulaq, júzimdi únemi paıdalaný kerek.
5. Búırek álsizdiginen áıelderdiń ishki sekretsııa júıesi álsirep, búırek ústi bezinen adrenalın bólinýi azaıyp, denedegi zat almasý protsesi buzylady. Ol artyq maı jınalýyna sebep bolady. Oǵan qarsy turý úshin alaqandy bir-birine ysqylap, jyly kúıinde búırekke basý. Muny kúine birneshe ret qaıtalaǵan jón. Sonymen, qosa qaz, qoıan, balyq eti sekildi azyqtardy kóp tutynǵan durys.
6. Búırek álsizdiginen qan qysymy artady. Mundaı belgiler baıqalysymen, aýrýdyń aldyn alyp, dárigerge kórinip, emdik sharalar qoldanbasa, búırek isten shyǵyp, ómirge qaýip tóndirýi múmkin. Saqtanyp júrgeısiz.
