DENSAÝLYQ: Bı semizdikten qutylýǵa kómektesedi
ASTANA. QazAqparat - Artyq maıdan arylý úshin názik jandylar ne istemeıdi deısiz? Túrli dıetalar qoldanyp, «ashtyq» ta jarııalaıdy, túrli qospalardy iship, «BAD» paıdalanady, oǵan túrli dárilerdi de qosyńyz. Alaıda, kópten kútken nátıjege qol jetpeı de jatady. Mundaı kezde ne isteý kerek? Munyń eń negizgi joly - únemi fızıkalyq jattyǵý jasaý, dep jazady confederation.kz.
Bul qyzdar qaýymyna unamaýy múmkin. Biraq, sport qıyn bolsa da - tyǵyryqtan shyǵatyn birden bir jol. Aryqtaý úshin sportpen aınalysyp, jattyǵý zalynda birneshe saǵat terleýdiń de qajeti joq. Odan bólek fızıkalyq jattyǵýlar bar: fıtnes, pılates, ıoga, akvaaerobıka jáne basqalary. Biraq jattyǵýǵa múlde barǵyńyz kelmese ne isteý kerek? Onda bir jol bar. Ol - bı.
Bıdi qalaı bılegenińiz mańyzdy emes. Kóńildi keshterde me, álde arnaıy kýrstarǵa barasyz ba, álde jubaıyńyzben zalda vals bıleısiz be?! Bastysy, bul jattyǵýlardy júıeli oryndap, aptasynda bir saǵattan birneshe ret bılep turý kerek.
Senińiz, bul talapty oryndaý óte ońaı, óıtkeni, bı tynyshtandyryp, qanattandyrady, sharshaǵanyńyzdy basyp, qýanysh syılaıdy. Onyń ústine, salmaqtyń azaıatynyn, júrek qan aınalymynyń jaqsaratynyn qosyp qoıyńyz.
Aıtpaqshy, bıdiń kómegimen symbatyńyzdy qalypqa keltirýge de úlken múmkindik bar. Bıleńiz, aryqtańyz, jaman oıdan arylyńyz jáne symbatyńyz únemi sulý bolsyn!
