DENSAÝLYQ: Bezeýden qutylýǵa kómektesetin 5 taǵam
ASTANA. QazAqparat - Eger betke bezeý shyqsa, búginnen bastap, durys tamaqtaný qajet degen sóz. Tamaqtaný mázirin retteý arqyly, bezeýden qutylýǵa bolady. Al ol úshin bezeýdi ketiretin 5 azyq-túlik kómektesedi.
1. Taza sý. Terini saý ári jas etip saqtaý úshin, sý ishken durys. Sonymen qatar, qandaı da bir gazdalǵan sýsyn ishpeńiz. Kúnine basqa da sýsyndar men sorpany eseptemegende, kem degende 8 stakan sý ishińiz. Sý bezeýden aryltatyn eń negizgi qural bolyp sanalady. Onyń ústine, sý teri jasýshalaryn jańartady.
2. Záıtún maıy. Tamaqty záıtún maıymen daıyndaý qajet. Bul kóptegen artyqshylyǵy bar keremet taǵam. Záıtún maıy terini bezeýden tazartady. Al onyń eń negizgi qasıeti - maı qyshqyldarynyń ishindegi tabıǵı, tazasy ekendiginde.
3. Kók shaı. Asqynýǵa qarsy hımııalyq element katehınniń negizgi kózi bolyp tabylady. Bul zat terini bezeýden aryltýǵa kómektesedi. Teri jasýshasynyń buzylýyna ákeletin erkin radıkaldardyń aldyn alady.
4. Bıdaı jáne jańǵaqtar. Bul taǵamdar teri jasýshalarynyń saýlyǵyna áser etetin selenniń negizgi kózi. Selen buzylǵan teri jasýshalaryn qalpyna keltirip, bezeýdi ketiredi. Al jańǵaqtarda terini jumsaq ári tegis etetin omega-3 maıy bar. Bul taǵamdardy tamaqqa qossańyz, bezeýden de qutylasyz, terińiz de jasarady.
5. Et pen balyq. Aqýyzdyń eń negizgi kózi. Aqýyzǵa baı taǵamdardy paıdalaný arqyly bezeýmen kúresýge bolady. Kúndelikti tamaqtaný mázirinde aqýyz mindetti túrde bolýy kerek. Bul terini jumsaq ári tegis etip qoımaı, syn-symbatyńyzdy jaqsartýǵa kómektesedi. Óıtkeni, zertteýlerge súıensek, aqýyz artyq salmaqtan aryltady.
Kerek keńes confederation.kz saıtynan alyndy.
