Densaýlyq basqarmasy dálizde em qabyldaǵan balalarǵa qatysty túsinik berdi – Aqtóbe
AQTÓBE. QazAqparat - Aqtóbedegi jedel járdem arýhanasynyń dálizinde balalardyń em qabyldap jatqany týraly aqparat áleýmettik jeli arqyly tarap ketti. Densaýlyq saqtaý basqarmasy osy oqıǵaǵa baılanysty túsinik berdi, dep habarlaıdy QazAqparat tilshisi.
«Munda balalar dázilde jatyr. Báriniń aýrý belgisi bir. Qyzýy kóterilgen, qusady. Bilikti ınfektsıonıst pen pedıator qajet», - dep jazyldy áleýmettik jelide .
Osy oqıǵaǵa baılanysty oblystyq densaýlyq saqtaý basqarmasynyń basshysy Samat Danııarov túsinik berdi.
«Oblystyq ınfektsııalyq aýrýhana ǵımaratyna qazir jóndeý jumysy júrgizilip jatyr. Sol sebepti ishek ınfektsııasy bólimi jedel járdem aýrýhanasynyń terapııa korpýsyna ornalastyryldy. Maýsymdyq jedel ishek ınfektsııasynyń kóbeıýine baılanysty naýqastar sany artty. Bólimde qosymsha kereýet ornalastyryldy. Barlyq naýqas palataǵa jatqyzyldy. Naýqastardyń medıtsınalyq qyzmet sapasyna qoıar suraǵy joq. Dári-dármek jetkilikti, shaǵym joq. Infektsıonıster jumys istep jatyr. Al ınfektsııalyq aýrýhanadaǵy jóndeý aıaqtalǵan soń bári sonda qaıta ornalastyrylady», - dedi Samat Danııarov.
