DENSAÝLYQ: Balalardaǵy jóteldi massaj arqyly qalaı ketirýge bolady?
ASTANA. QazAqparat - Jótel - tynys alý joldarynyń qabynýynan bolatyn organızmniń qorǵanysh reaktsııasy. Jótel muryn, kómeı, jutqynshaq, keńirdek jáne keńirdek taramdarynyń qýysyndaǵy jóteldik retseptorlar titirkengen kezde paıda bolady.
Jóteldiń uzaqtyǵyna baılanysty qysqa merzimdi, turaqty, epızodıkalyq jáne ustamalyq túrleri bar. Al jóteldiń aǵymy boıynsha ótkir jáne sozylmaly eki túri bolady. Ótkir jótel 3 aıǵa deıingi merzimge sozylsa, sozylmaly túri úsh aı jáne odan da kóp ýaqyt naýqasty mazalaıdy
Ótkir jótel, negizinen, sýyq tıip syrqattaný kezderinde, ıaǵnı, ótkir respıratorlyq vırýstyq ınfektsııa, pnevmonııa, ótkir bronhıt, kókjótel aýrýlarynda jıi kezdesedi. Al sozylmaly jótel ókpeniń sozylmaly aýrýlary, demikpe, keńirdek taramdarynyń isigi, týberkýlez, ókpeniń isigi kezinde paıda bolady.
«Jótel aýrý emes, alaıda, qandaı da bir syrqattyń belgisi bolyp tabylady. Sondyqtan, aldymen jóteldiń paıda bolý sebebin anyqtap alǵan durys. Jótel kezinde jyly mıneraldy suıyqtyqtardy kóbirek ishken jón. Arnaıy turmystyq quraldardyń kómegimen aýany ylǵaldandyryp otyrý qajet. Durys tamaqtanýǵa kóńil bólip, sút, un ónimderin, táttini jótel bar kezde paıdalanýdy doǵarǵan jón», - deıdi mamandar.
Al balalardaǵy jóteldi massaj arqyly qalaı ketirýge bolatynyn orys tilindegi «Baby GID» telebaǵdarlamasyndaǵy myna beınematerıaldan kórýge bolady.
Jótel týraly medıtsınalyq aqparat Internetten alyndy.
