DENSAÝLYQ: Balalar úshin uzaq otyrý zııan
ASTANA. QazAqparat - Anglııanyń medıtsınalyq jýrnalynda basylyp shyqqan zertteý jumystarynyń nátıjesinde bir kúnde 3 saǵattan az otyrý adam ómirin 2 jylǵa uzartatynyn kórsetti, dep jazady «Balalar álemi» saıty.
Zertteýde AQSh, Kanada, Avstralııa jáne Shotlandııada sońǵy jyldary basylyp shyqqan qımyl-qozǵalyssyz ómir súrýge qatysty 5 maqalanyń nátıjeleri saraptalǵan.
Zertteýge qatysqandar 3 saǵattan az, 3-6 saǵat jáne 6 saǵattan artyq qımylsyz otyrý men teledıdar kórý ýaqyttaryna qaraı (2 saǵattan az, 2-4 saǵat jáne 4 saǵattan artyq qımylsyz otyrý) túrinde toptastyryldy.
Ǵalymdar 2005-2006 jyldary 18 jastaǵy amerıkalyq jastardy qatystyrǵan zertteýin 2009-2010 jyldary qaıta jalǵastyryp, teledıdar aldynda 2 saǵattan artyq otyrmaǵan jastardyń densaýlyǵyndaǵy oń ózgeristi baıqaǵan. Osy qalypty ustaıtyn bolsa, olardyń jasy 1 jyl 3 aıǵa uzardy, dep boljaǵan.
AQSh-ta qaterli isik birlestigi 123 myń 216 adamdy qatystyra otyryp, jańa zertteý tujyrymyn usyndy. Onda bir kúnde 6 saǵattan artyq qımylsyz otyratyndardyń densaýlyǵy bir kúnde 3 saǵattan artyq otyrmaıtyn adamǵa qaraǵanda nashar bolatynyn, ómir jasyndaǵy aıyrmashalyq shamamen 20% bolatynyn jazǵan.
