«Densaýlyq» baǵdarlamasy medıtsınalyq qyzmetterdiń qoljetimdiligi men sapasyn arttyrýǵa múmkindik beredi

ASTANA. QazAqparat - QR densaýlyq saqtaý jáne áleýmettik damý mınıstri Tamara Dúısenova Úkimet otyrysy barysynda 2016-2019 jyldarǵa arnalǵan «Densaýlyq» memlekettik baǵdarlamasy aıasynda densaýlyq saqtaý salasynyń negizgi baǵyttary týraly baıandady, dep habarlaıdy primeminister.kz.

Mınıstrdiń aıtýynsha, densaýlyq saqtaý salasynyń aldaǵy 4 jylǵa arnalǵan strategııalyq jospary: 2020 jylǵa qaraı halyqtyń ómir súrý uzaqtyǵyn kútilip otyrǵan 73 jasqa deıin uzartý, medıtsınalyq qyzmetterdiń qoljetimdiligi men sapasyn arttyrý, densaýlyq saqtaý salasyn qarjylandyrý jáne basqarý júıesin jaqsartý.

Aıta keteıik, 2016-2019 jyldarǵa arnalǵan «Densaýlyq» memlekettik baǵdarlamasy Memleket basshysy Nursultan Nazarbaevtyń Jarlyǵy boıynsha álemniń damyǵan 30 eliniń (EYDU) deńgeıine sáıkes azamattardyń densaýlyǵynyń kórsetkishterine josparly qol jetkizý maqsatynda ázirlendi.