DENSAÝLYQ: Askóktiń emdik qasıetteri jáne úıde jasaýǵa bolatyn tunbalar
ASTANA. QazAqparat - Bul ósimdik as ázirleýde keńinen qoldanylyp, tamaqqa erekshe dám beretin tamasha dámdeýishterdiń biri. Askóktiń adam aǵzasyna paıdaly ekeni barlyq jerde málim. Sondyqtan, ony kóp tutynady. Biraq, onyń emdik qasıetteri jaıly kóp adam bile bermeıdi, dep jazady anabol.kz.
Askóktiń paıdaly qasıetteri:
Askóktiń paıdaly quramy dızenterııa, dıareıa, juqpaly aýrýlar kezinde, uıqy buzylǵanda jaqsy kómektesedi. Ol qan qysymyn tómendetip, júıke júıesin tynyshtandyrýǵa qabiletti. Búgin sizderge úı jaǵdaıynda askókten dári jasaýǵa arnalǵan retsepter usynamyz. Bulardy kez kelgen adam kóp shyǵyndanbaı-aq jasaýǵa bolady.
1) Kózdiń ótkirligi tómendep, kóz tez sharshaıtyn bolsa, sizge askóktiń tuqymy kómektesedi. Ol úshin askóktiń tuqymynan kompress jasaý qajet. Askóktiń tuqymyn dákege salyp, biraz ýaqyt jyly jerge qoıý kerek, sodan soń, ony kózge 20 mınýt qoıamyz. 20 mınýttan soń kózińizde aıtarlyqtaı jeńildik sezinesizder. Bul ádis sondaı-aq, kóz aınalasyndaǵy ájimderdi tegisteıdi. Іsiný jáne qabaqtyń qyzarýyn azaıtady.
2) Askókti keptirip, jaǵyp, kúlin jazylmaı júrgen jaraǵa sepse, ol tez jazylady. Uryq dánin untaqtap aýyzǵa salyp soryp júrse, ystyqty qolma-qol tyııady.
3) Onyń uryq dánimen qosa keptirgen sabaǵynyń untaǵynan 2 as qasyq salyp, jarty lıtr sýǵa qaınatyp ishse, ishti júrgizip, asqazandy, ishekti tazalaıdy.
4) Qarapaıym tunba. 1 as qasyq keptirilgen askókti 0,5 lıtr sýǵa salyp, 1 saǵat tundyramyz. Dári daıyn. Bul tunbany jarty staqannan kúnine 3 ret ishý qajet. Bul tunba asqazan, ishek, aýrýlarynda paıdaly. Dıareıa, ishtiń qatýy (zapor) syndy aýrýlardy da emdeıdi.
Jas analarǵa askókti kóp tutyný óte paıdaly jáne psıhologııalyq aýrýlar kezinde de taptyrmaıtyn qural.
