DENSAÝLYQ: Aşy buryshtyń paıdasy men zııany
ASTANA. QazAqparat - Qyzyl buryshtyń quramynda erekshe kapsaıtsın atty zat bar. Ol júıke talshyqtary dertin emdeýde jaqsy nátıje beredi. Sonymen qatar, mamandar artrıt, psorıaz, nevropat aýrýlarynda da bul zattyń tıgizer paıdasy bar deıdi, dep jazady massaget.kz.
Buryshtyń quramyndaǵy kapsaıtsın asqazan sekretsııa qyzmetiniń jaqsy jumys isteýine yqpal jasap, nátıjesinde, asqorytýdy jaqsartady. Alaıda, halyq arasynda aşy qyzyl burysh asqazan jarasyn týdyrady degen ýáj bar. Al muny sońǵy zertteýler joqqa shyǵaryp otyr. Kerisinshe, kapsaıtsın asqazandaǵy paıda bolatyn ózge de kóptegen dertke shıpa bolady eken.
Qyzyl buryshty mólsherden artyq kóp jeýge bolmaıdy. Ony jıi asqa qosýdyń da zııany bar. Máselen, mynadaı jaǵdaılarda aşy qyzyl buryshty jeýge tyıym salynady.
1. Asqazanda jarasy bar nemese asqazan, ishek-qaryn joldaryna ota jasalǵannan keıin qyzyl buryshty paıdalanbaıdy;
2. Shekten tys paıdalaný asqazandaǵy tamaqtyń qorytylýyn nasharlatady nemese qyjyl paıda bolady;
3. Mólsherinen tys paıdalaný adamdardyń qaterli dertpen aýrýǵa beıimdiligin arttyrady;
4. Qant dıabeti men baýyr aýyrǵanda da jeýge tyıym salynady;
5. Asqazanda qyshqyl joǵary bolǵanda aşy kókónisti jemeıdi.
Dárýmender - adam aǵzasy úshin qurylys materıaldary sekildi. Onyń jetimsizdiginen aǵzada aýrý túrleri ýshyǵa bastaıdy. Aşy buryshtyń quramyndaǵy S dárýmeni kóktem men kúzde aǵza úshin óte paıdaly. Jyldyń osy eki mezgilinde aǵzadaǵy vırýs pen bakterııalarmen kúresýde jaqsy kómekshi. Sonymen qatar, shlaktardy shyǵarady, ári qan tamyrlarynyń jaqtaýyn nyǵaıtady. V dárýmeni bolsa júıke júıesin bekemdep, kózdiń kórýin jaqsartady, ári sharshaýyn basady. Al onyń quramyndaǵy A dárýmeni allergııa mazalaıtyn jandar úshin taptyrmas em. Qyzyl burysh arqyly adam aǵzasy E dárýmenimen tolyqqanda, ol qartaıý protsesin tejeıdi.
Munan ózge aşy buryshtyń mynadaı aýrýlarǵa shıpasy bar:
1. Buryshtyń aşylyǵy kóńildi kóteredi. Júrek qantamyr dertiniń aldyn alady;
2. Uıqysyzdyq kezinde de zertteý barysynda kómektesetinin baıqaǵan;
3. Tábetti ashady;
4. Fızıkalyq jáne aqyl-oı turǵysynan jumys isteý qabiletin arttyrady;
5. Tumaý jáne respıratorlyq dert kezinde shıpasy bar;
6. Jótelgende, bronhıttiń asqynǵan túrinde aşy qyzyl burysh jabystyrǵyshyn (pertsovogo plastyr) emge paıdalanýǵa bolady. Ony eki jaýyrynnyń ortasy, bel omyrtqadan joǵary jabystyrady. Muny jasaǵanda orny azdap qyzarýy múmkin. Emdik shara kezinde sýyqtan abaı bolǵan jón;
7. Іshekterge úlken kólemde bakterııalar túsedi. Ony joıýdaǵy qyzyl buryshtyń qyzmeti erekshe;
8. Shashtyń ósýine kómektesedi.
