DENSAÝLYQ: As sodasynyń densaýlyqqa paıdasy
ASTANA. QazAqparat - As sodasynyń densaýlyqqa paıdasy týraly «Massaget» portalynda jarııa etilgen materıaldy oqyrman nazaryna usynamyz.
1. Sútke aralastyrylǵan sodanyń dámi bala kezinińizden beri bárińizge tanys shyǵar. Bul qospa áli kúnge deıin jótel kezinde sizge erekshe áser etedi. Dáriger mamandar bir shaı qasyq sodany qaınaǵan sútke qosyp, uıyqtar aldynda ishýge keńes beredi.
2. Al sútti unatpaıtyn adamdar bolsa, olarǵa jótel kezinde soda eritindisinen jasalǵan ıngalıatsııa (tamaq býlaý) kómektesedi. 1 lıtr qaınaǵan sýǵa 1 as qasyq soda jetkilikti.
3. Tamaǵyńyzdyń aýrýyna soda eritindisi erekshe kómektesedi. Onyń eki shaı qasyǵyn alyp, bir staqan jyly sýmen aralastyryńyz. Kúnine 5-6 ret shaıyp turýyńyz kerek. Soda tamaǵyńyzdyń shyryshty qabyǵyn sýlandyryp, tamaq qyshýyn toqtatady.
4. Konıýktıvıt kezinde kózińizdi jıi soda eritindisimen jýǵanyńyz durys. Alaıda bir eskere ketetin jaıt, bir maqtany tek bir-aq ret qoldanyńyz.
5. Soda medıtsınada baıaǵydan beri arıtmııaǵa qarsy dári retinde qoldanylyp keledi. Kenetten júregińiz qatty soǵyp, aýyrsa, sodanyń jarty shaı qasyǵyn tutynyp, toqtatýǵa bolady.
6. Gıpertonııa kezinde de óte paıdaly. Aǵzadaǵy suıyqtyq pen tuzdy shyǵaryp, arterııalyq qysymdy tómendetedi. Sodany shaı qasyqtyń jartysyna salyp, dárińizben birge tutynyńyz.
7. Qoǵamdyq kólikterde basyńyz aınalyp, qusqyńyz kelse, ózińizben birge as sodasyn alyp júrýdi umytpańyz.
8. Eger bireý qyshqylǵa kúıip qalsa, oǵan tez arada soda eritindisin jaǵyp, baılap tastańyz.
9. Sodany aýyr jaraqat alyp, kóp qanyńyzdy joǵaltqanda nemese bir nárseden ýlanǵanda alǵashqy kómek retinde qoldaný qajet. Ol úshin soda men tuz eritindisin daıyndaǵanyńyz durys. Daıyndaý joly óte qarapaıym: bir shaı qasyq soda men bir shaı qasyq tuzdy alyp, bir lıtr qaınaǵan sýǵa salyp jaqsylap aralastyryńyz. Daıyn bolǵan soń ár 5 mınýt saıyn tutynyńyz.
10. Aýzyńyzdy sodamen shaıý arqyly tis aýrýlarynan aman qalasyz. Ystyq soda eritindisin daıyndap qoıyp, kúnine 5-6 ret aýzyńyzdy shaıýdy kúndelikti ádetke aınaldyryńyz. Sonda sizge tis dárigerine qaralýdyń da qajeti bolmaıdy.
11. Sonymen qatar soda tamasha kosmetıkalyq zat. Ony sabyn untaǵymen aralastyryp, aptasyna eki ret betińizdi súrtip turyńyz. Ol sizdiń betińizdi bezeýlerden qutqarady.
12. Soda tis pastasynyń da ornyn aýystyra alady. Ony maqtaǵa malyp alyp, tisińizdegi tat ketkenshe ysqylańyz. Kóp uzamaı nátıjesine kózińiz jetedi.
13. Soda eritindisi qurt-qumyrsqa, shybyn-shirkeı shaqqan jerlerdi de tez ketiredi. Eger shaqqan jerine kúnine birneshe ret jaqsańyz, orny da qalmaıdy. Jáne jaranyń aýzyna mıkrob túsirmeıdi.
14. Jumystan qatty sharshap kelgen kúni keshke sodamen aıaǵyńyzdy ýqalańyz. 5 as qasyq sodany 10 lıtr jyly sýmen aralastyrsańyz jetedi. Sodan keıin 15 mınýt aıaǵyńyzdy sýǵa salyp, ýqalasańyz, sharshaǵanyńyz birden basylady.
