DENSAÝLYQ: Artrıtten arylýdyń jeńil joly qandaı?
ASTANA. QazAqparat - massaget.kz portalynyń densaýlyq aıdary artrıtten arylýdyń jeńil jolyn usynady.
Artrıt - kóp jaǵdaıda múgedektikke deıin jetkizetin ártúrli revmatıkalyq aýrýlarmen anyqtalatyn sozylmaly qabyný. Qarapaıym tilde aıtatyn bolsaq, jumys pen úı sharýasyn qatar alyp júretin názik jandylardyń býyndaryna túsetin salmaqtan bolatyn qabyný.
Bul aýrýmen kóbine áıelder jáne tolyq adamdar aýyrady. Bul aýrýdy emdeýdiń túrli joly bar. Ota jasatý arqyly, dári-dárimek arqyly emdeýge de bolady.
Nazarlaryńyzǵa bul aýrýdy úıde kóp shyǵyndanbaı-aq emdeýdiń jolyn usynamyz.
Qara turypty (chernaıa redka) tek qana as ázirleýde emes, kóptegen aýrýlardy emdeý úshin de qoldanýǵa bolady. Býyn aýrýlarynyń barlyq túrin emdeı alatyn qasıetin kóp adamdar bile bermeıdi. Ásirese, artrıt pen artroz kezinde onyń paıdasy mol.
Artrıttiń aýyrsynýyn emdeıtin tásil:
Qara turypty qabyǵymen úkkishten ótkizip, onyń shyrynyn alamyz. Sol shyrynnyń bir staqanyna bir as qasyq bal jáne spırt qosyp aralastyramyz. Odan soń sapaly maqtadan jasalǵan mataǵa sol qosyndyny jaǵyp, aýyrǵan jerge bir túnge jabystyryp qoıamyz.
Em kezinde aıaqty jyly ustaý kerek, sýyq tıgizbegen abzal. Osy emdi 10 kún qabyldaǵan soń aıtarlyqtaı jeńildik seziledi.
