DENSAÝLYQ: Arqadaǵy aýrýdan aıyǵýǵa arnalǵan jattyǵýlar
ASTANA. QazAqparat - Az qozǵalatyn adamdarda arqanyń aýyrýy óte kóp kezdesedi. Árıne, mundaı jaǵdaıda mindetti túrde dárigerge qaralyp, maman aıtqan emdi qabyldaǵan durys. Alaıda, ózdigińizben emdelýge tyrysýǵa da bolady.
1. Birinshiden, mindetti túrde óz ózińizge massaj jasańyz. Ony mindetti túrde jasańyz, óıtkeni kez kelgen fızıkalyq jattyǵýdyń aldynda deneńiz qyzý kerek. Qolyńyz jetken jerińizge deıin massaj jasańyz. Tipti, massaj jasaıtyn, jýynatyn mochalka sekildi arnaıy quraldy satyp alyp, arqańyzǵa tegis massaj jasasańyz da bolady. Moınyńyzdy eki qolyńyzben alma kezek ýqalańyz. Oń qolyńyzdy sol jaq ıyǵyńyzdyń artyna tastap, jaýyrynyńyz ben ıyǵyńyzǵa massaj jasańyz. Eger qıyn bolsa, oń qoldyń shyntaǵyn sol qolmen tirep turýǵa bolady. Osy jattyǵýdy endi kelesi qolmen de oryndańyz.
2. Dıametri 8 sm, uzyndyǵy 12 sm turatyn aǵash valık jasap alyńyz. Nemese nan jazatyn oqtaý da jarap qalady. Atalǵan oqtaýǵa nemese valıkke arqańyzben jatyp, ári-beri jyljyńyz. Aldymen kıimmen, sodan soń, kıimsiz jyljyp kórińiz. Bul jattyǵý omyrtqalardy ornyna qoıady.
3. Kelesi jattyǵý. Shalqańyzdan jatyńyz, tizeńizdi qolyńyzben qushaqtap, basyńyzdy keýdege qaraı ıińiz. Sodan soń dop sekildi, terbetile bastańyz. Alǵa-artqa, alǵa-artqa! Osylaısha, siz arqadaǵy aýrýdan aıyǵyp, omyrtaqalaryńyzdy ornyna qoıasyz.
4. Oryndyqtardyń arasynda jip ilinip tur, sizge sondyqtan eńbektep ótý kerek dep elestetińiz. Tizerleı otyryńyz. Basyńyzdy tómen túsirińiz arqańyzdy eńkeıtip, jiptiń astymen jer baýyrlaı ótińiz. Shyqtyńyz ba?! Endi keıin qaraı qaıtadan ótińiz, arqany búgýdi umytpańyz. Mundaı jattyǵýdy tańerteńgisin qaıtalap tursańyz, kúni boıy sergek júresiz.
5. Bul jattyǵý úshin beltemir qajet. Ony ózińiz ornatyp alsańyz da, sport taýarlary dúkeninen satyp alsańyz da bolady. Beltemirde jarty nemese bir saǵat asylyp turýǵa tyrysyńyz. Bulaı isteý arqyly siz omyrtqańyzdy sozyp, aýrýdy basasyz. Mundaı jattyǵý óte nátıjeli ári paıdaly, sondyqtan erinbeńiz.
6. Kelesi jattyǵý tynys alýdyń qytaılyq júıesi «Tsıgýnnan» alynǵan. Etpetińizben jatyńyz. Endi qolyńyz ben aıaǵyńyzdy sozyp, túregelýge tyrysyńyz. Deneńiz edenge parallel jatady. Osylaı meıilinshe uzaq turǵan durys. Alaıda, qatty qysym túsirýge de bolmaıdy. Deneńiz bosańsyp turýy kerek.
7. Kelesi jattyǵý edende otjımanıe jasaý. Tizemen turyp ta jasaýǵa bolady. Birinshi kezeń - qolyńyz bir birinen alysyraq turýy qajet. Ekinshi kezeń - qolyńyz bir birine jaqyn turýy tıis. Úshinshi kezeń - qoldyń bilezikteri óte jaqyn ornalasýy tıis.
8. Dárihanadan Kýznetsov applıkatoryn satyp alyńyz da ony arqańyz aýyrǵan boıda paıdalanyńyz. Arqańyzdy jalańashtap applıkatorǵa jatyńyz da, deneńizdi bosańsytyńyz. Eger aýrý asqyna tússe (solaı bolýy tıis) shamańyz jetkenshe shydańyz. Sodan soń, aýrý birtindep qaıta bastaıdy, tipti jazylyp ketedi. Siz typ tynysh uıyqtaısyz nemese sharýańyzdy jalǵastyra beresiz.
9. Shalqańyzdan jatyńyz da, aıaǵyńyzdy joǵary kóterińiz. Sharshaǵanǵa deıin aıaǵyńyzdy sol qalpynda ustap turyńyz. Endi osy jattyǵýdy ekinshi aıaǵyńyzben oryndańyz. Mundaı ońaılaý jattyǵý jambastaǵy aýrýlardy ketirip, ishki pressti nyǵaıtady.
10. Osylaı jatýdy jalǵastyryp, endi tizeńizdi búgińiz. Ekeýin de búkken kúıinde sharshaǵanǵa deıin kóterińiz. Sál demalyp alyńyz da, jattyǵýdy qaıtalańyz.
11. Dál solaı tizeńizdi búgińiz de, búgilgen tizeńizdi edenge qaraı oń jáne sol jaqqa alma kezek eńkeıtińiz. Eger edenge tizeńizdi tıgizseńiz tipti jaqsy. Sál demalyp alyńyz da, jattyǵýdy qaıtalańyz.
12. Shalqańyzdan jatyńyz da, qolyńyzdy bir birine baılap ustap, jelkeńizge qoıyńyz. Sodan soń, basyńyzdy kóterip, ıegińiz keýdege jetkenge deıin ıilińiz. Sharshaǵanǵa deıin qarqyndy azaıtpańyz. Keıin bárin qaıtalap shyǵyńyz.
13. Etpetińizden jatyńyz da, tizeńizdi búgip, edennen kóterińiz. Sharshaǵanǵa deıin ustap turýǵa tyrysyńyz. Sodan soń, taǵy da qaıtalańyz. Eskertý: eger arqańyz qatty aýyrsa, bul jattyǵýdy isteýdiń qajeti joq.
14. Oryndyqqa otyryńyz da qolyńyzdy tizege qoıyp, kúshpen tómenge qaraı ıterińiz. Bul sharshaǵanyńyzdy basatyn keremet ári ońaı jattyǵý.
15. Tik turyńyz da, qolyńyzdy bir birine baılap ustańyz. Sodan soń, qolyńyzben jambas aımaǵyna birneshe ret kúsh túsirińiz. Mundaı jattyǵý arqanyń sharshaǵanyn basyp, aýrýdyń aldyn alady.
16. Oryndyqqa otyryńyz da, birneshe ret tómenge qaraı ıilińiz. Meıilinshe alysqa qaraı ıilgen durys. Mundaı jattyǵýdy qozǵalys az, negizinen otyryp jumys isteıtin jerde oryndaý ońaı.
Azǵantaı ýaqyttyń ishinde arqadaǵy aýrýdan aıyqtyratyn jattyǵýlar reti osyndaı. Eń basty talap - jattyǵýlardy júıeli túrde oryndaý!
Aqparat confederation.kz saıtynan alyndy.
