Densaýlyq aptasy elimizdiń barlyq óńirinde jalǵasýda
ASTANA. 12 jeltoqsan. QazAqparat - Densaýlyq saqtaý mınıstriniń bastamasymen elimizdiń mektepterinde, mektepke deıingi mekemelerde bastalǵan «Salaýatty ómir salty aptasy» aktsııasy jalǵasýda.
Atalǵan is-sharaǵa respýblıka boıynsha jalpy 100 myńdaı adam qatysty, dep habarlady atalǵan mınıstrliktiń baspasóz qyzmetinen.
Máselen, Qyzylorda oblysyndaǵy bilim berý mekemelerinde «Densaýlyq kúnderi» jáne «Jeti densaýlyq sabaǵy» is-sharalary «Densaýlyq stansasy» atty uranmen ótti.
Al Soltústik Qazaqstan oblysyndaǵy bilim berý uıymdarynda salaýatty ómir salty aspektileri boıynsha taqyryptyq stendter ilinip, aqparattyq-bilim berý materıaldary taratyldy, salaýatty ómir salty týraly tanystyrylymdar jasalyp, beınerolıkter kórsetildi. Oqýshylar aldynda salaýatty ómir saltyn qalyptastyrý ortalyqtarynyń mamandary, sport sheberleri, sportpen belsendi shuǵyldanatyn dárigerler sóz sóılep, densaýlyqtaryn kútýge shaqyrdy.
