DENSAÝLYQ: Anardyń 9 túrli emdik qasıeti
ASTANA. QazAqparat - Anar (granat) - kópjyldyq jemis aǵashy. Jerorta teńizi, Ortalyq Azııa, Kavkaz, Qyrym aımaqtarynda ósetin ejelgi jemis.
Jemis aǵashynyń boıy 5-6 metrge deıin barady. 80 jylǵa deıin, keıde odan da kóp ómir súredi, 3-4 jastan keıin jemis beredi. Jemisin jerge túsirmeı turyp alady. Səýir aıynda gúldep, kúzde jemisin beredi. Anar jemisiniń erekshe qasıetteri men paıdaly jaqtaryn nazarlaryńyzǵa usynamyz.
1. Gemoglobındi kóteredi. Anar jemisi qan azdyq aýrýymen kúresýge kómektesedi. Osy dert kezinde anar shyrynyn 2 aı kóleminde kúnine 30 mınýttan 3 staqan ishý abzal.
2. Qan qysymyn tómendetedi. Anar dánderi qan qysymy dertine shaldyqqan naýqastardyń arterıaldi qysymdaryn túsirýge kómektesedi. Keptirilgen jemis jarǵaǵyn shaıǵa qosyp ishse, júıke júıesin qalpyna keltirip, túngi uıqyny jaqsartady.
3. Gormon belsendiligin arttyrady. Anar jemisi dániniń quramynda maı bar. Ol aǵzadaǵy gormondyq balansty qalpyna keltiredi. Sol sebepti jemis dánderin jegen paıdaly.
4. Aýyz qýysyn tazalaıdy. Jemis qabyǵynan jasalǵan sý tunbasyn nemese shyrynyn angına jáne farıngıt aýrýlaryn emdeý kezinde tamaqty shaıýǵa paıdalanady.
5. Insýlındi almastyrady. Anar jemisi qant dıabeti aýrýyna shaldyqqan adamdarǵa óte paıdaly. Tamaq ishpes buryn 60 tamshy jemis shyrynyn kúnine 4 ret qoldansa, qan quramyndaǵy qant deńgeıi tómendeıdi.
6. Radıatsııany shyǵarady. Anar shyryny radıoaktıvti ızotopty zattarmen jumys jasaıtyn nemese radıatsııasy joǵary aımaqta turatyn adamdarǵa ishken jón.
7. Aǵzadaǵy qurttardyń kózin joıady. Pisken anar qabyǵy quramynda qurttarǵa qarsy pelterın, ızopelterın jáne metılızopelterın syndy alkaloıdtar bar. Aǵzadaǵy qurttardyń kózin joıý úshin 40-50 g anar qabyǵyn 400 g sýyq sýǵa salyp qaınatý arqyly aǵzaǵa ishteı qabyldaý kerek.
8. Іsh ótýdi toqtatady. Anar jemisi men qabyǵyn ish ótýge, toq ishektiń qabynýyna qarsy qoldanady.
9. Aǵzadaǵy qabynýdy emdeıdi. Jemis qabyǵy adam aǵzasyndaǵy búırek, baýyr, kóz, qulaq, býyn qabynýlaryna qarsy emdik maqsatta paıdalanylady. Ol úshin 2 asqasyq anar qabyǵyn 1 staqan ystyq sýǵa salyp, 30 mınýt qaınatyp, daıyn bolǵan tunbany kúnine 50 grammnan 2-3 retten ishken durys.
massaget.kz portalynan alyndy.
