DENSAÝLYQ: Almanyń adam aǵzasyna paıdasy qandaı?
ASTANA. QazAqparat - Jemis-jıdektiń, onyń ishinde almanyń densaýlyqqa paıdasy mol. Sondyqtan onyń qasıetteri týraly aıta ketken jón, dep jazady ustazim.kz saıty.
Almanyń quramynda A,S, V1, V2, R, E dárýmenderi bar.
A dárýmeni - aǵzanyń ósýine, damýyna áser etip, túrli aýrýlarǵa qarsy turýǵa kómektesedi. A dárýmeni shashtyń, tyrnaqtyń ósýine áser etedi. Ol jetispegende teri qurǵap, jarylyp, túsi kúńgirttenedi. V1 dárýmeni - organızmde durys zat almasýy úshin asa qajet. Bul dárýmen jetispegende sharshaǵandyq sezilip, as qorytý júıesi buzylady. Aǵza V1-ge zárý bolǵan jaǵdaıda júıke júıesi aýrýǵa shaldyǵýy múmkin. V2 dárýmeni - basqa da dárýmender sııaqty organızmniń birqalypty ósýine qajet. Jaraqattardyń tez jazylýyna múmkindik beredi. Kózdiń jaqsy kórý qabiletin arttyrady. Bul dárýmen jetispegen jaǵdaıda erin qurǵap, ushyq shyǵady. Denege túsken jaraqat baıaý jazylady. S dárýmeni - aǵzanyń juqpaly aýrýlarǵa qarsy tura alý áreketin arttyrady. Súıekke jáne tiske beriktik qasıet beredi. S dárýmeni jetispegende aǵza tez sharshaıdy, silemeıli qabyqshalar qabynady, qyzylıek qantalaıdy. S dárýmeni aǵzaǵa qys pen kóktem aılarynda kóbirek qajet. R dárýmeni - jińishke qan tamyrlarynyń beriktigin arttyryp, qyzmetin qalypqa keltiredi. E dárýmeni - bulshyq etterdiń qyzmetin jaqsartady. Sondaı-aq almada marganets, kalıı, kaltsıı, fosfor, natrıı, molıbden, myrysh bar. Bular aǵzaǵa jetkilikti mólsherde bolsa, adam jıi aýyrmaıdy. Oılaý qabiletti jaqsy damytady. Al eń bastysy - alma temirge baı. Temir qan aınalymy júıesine óte qajet. Ol júrek, baýyr, búırek, asqazan, ishek joldarynyń jumystaryn jaqsartady. Bakterııa men ártúrli vırýstardan saqtaný úshin kúnine bir alma jeý qajet. Almanyń jer sharynda 36 túri bar. Qazaqstanda almanyń «aport», «sıvers», «nedzvetskıı», «qyrǵyz almasy», t,b. túrleri ósedi. Almanyń otany - Ortalyq Azııa. Surpyna qaraı, alma aǵashynyń ómir súrý uzaqtyǵy da ártúrli. Olar 20 jyldan 100 jylǵa deıin óse berýi múmkin.
