DENSAÝLYQ: Alma jep aryqtaýǵa bola ma?

Almanyń paıdaly qasıetteri Bul jemis temirdiń, pektınniń jáne folı qyshqylynyń negizgi kózi sanalady. Alma arterıaldy qan qysymyn rettep, tynys alýdy jaqsartady. Buǵan almadaǵy C dárýmeni kómektesedi. Al V6 dárýmeni maıdy ketirip, kúızelisti azaıtady. Al jemistiń ózinde múlde maı joq. Alma ishektegi sýdy saqtap, as qorytýdy jaqsartýǵa kómektesedi. Sonymen qatar, onyń quramyndaǵy jasunyq qandaǵy holesterın kólemin azaıtýǵa áser etedi. Polıfenoldar - antıoksıdanttardyń bir túri, qandaǵy qantty retteıdi. Bular almanyń qabyǵynda bolatyndyqtan, almany qabyǵymen jegen durys. Odan bólek, almada kahetınder bar. Uıqy kezinde maıdan aryltatyn tap osy kahetınder. Sondyqtan, almamen aryqtaýǵa bola ma degen suraqqa senimmen «ıa» dep jaýap berýge bolady. Táttini jaqsy kórýshilerge arnalǵan alma dıetalary 1-i nusqa. Eki kún boıy bir keli almadan daıyndalǵan pıýre jeńiz. Almany úkkishten ótkizip, azdap bal qosamyz. Sodan soń, gazdalmaǵan nemese mıneraldy sý, asa tátti emes shyryndar ishýge bolady. 2-i nusqa. Eki kún boıy bir jarym keliden kem emes almany jeý qajet (ár kún saıyn). Al uıyqtar aldynda peshte pisirilgen alma men bal pisirmesin jeńiz. Qıyn alma dıetasy Alty kún boıy tek qana almany paıdalanasyz. Eger qyshqyldyq artyp ketse, tátti alma jeńiz. Eger tómen bolsa, kerisinshe, aşysyn jegen durys. Birinshi jáne altynshy kúnder: bir keli almadan jeńiz Ekinshi jáne besinshi kúnder: bir jarym keli almadan jeńiz Úshinshi jáne tórtinshi kúnder: eki keli almadan jeńiz Kúnara kók shaı iship tursańyz da bolady. Eger dıeta qıynǵa soqsa, azdap qara keptirilgen nan jeńiz. Mańyzdy keńes Keıde uzaq ýaqyt alma jeý de kedergi keltiredi. Sebebi, alma quramyndaǵy qyshqyl zattar sizdiń tábetińizdi arttyrady. Alaıda, muny túrli qıyn kúnderde paıdalanýǵa bolady. Eger siz alma jep, aryqtaýǵa bolady degenge senbeseńiz, dáriger dıetologpen keńesip kórińiz. Este saqtańyz, alma dıetasyn ishek joldarynda syrqaty joq adamdar ǵana ustana alady. Kerek keńes confederation.kz saıtynan alyndy.