DENSAÝLYQ: AQSh ǵalymdary oqýshynyń partada kóp otyrýyna qarsy
ASTANA. QazAqparat - Tehastaǵy (AQSh) A&M ýnıversıteti ǵalymdary mektep oqýshylary otyratyn partalardy súıenip turatyn «kontorkaǵa» aýystyrý kerek degen usynys aıtty. Olardyń pikirinshe, bala sabaqty tez qabyldap, sergek bolýy úshin kóp otyrmaı, túregep turýy kerek. Osyny anyqtaý úshin AQSh ǵalymdary 2-4 synyp oqýshylarynan 300 bala qatysqan zertteý jumysyn júrgizdi, dep jazady The Daily Mail.
Jańa zertteý jumysynyń nátıjesi boıynsha, sabaqta túregep turǵan oqýshynyń belsendiligi otyrǵanǵa qaraǵanda 12 paıyz joǵary ekenin kórsetti. Olar sabaqqa sergek qatysyp, muǵalim suraqtaryna yqylaspen jaýap bergen.
Sonymen qatar, buǵan deıin ǵalymdar súıenip turatyn partalardyń bala densaýlyǵyna da paıdasy bar ekenin naqtyraq aıtqanda, «semizdik» aýrýynyń aldyn alatynyn aıtqan. Olardyń aıtýynsha, túregep turǵan balanyń aǵzasynda kolorııa 15 paıyzǵa deıin belsendi taraıdy.
