DENSAÝLYQ: Aǵzany tazartýǵa arnalǵan kúrish dıetasy
ASTANA. QazAqparat - Kúrish ejelden beri aǵzadaǵy shlaktardy ketirip, artyq salmaqtan arylýǵa kómektesetin ámbebap taǵam retinde qoldanylady.
Alaıda, kúrish dıetasy úshin bul taǵamdy júıeli túrde jeý ǵana emes, belgili bir talaptardy oryndaý da qajet (eger talaptardy saqtamaǵan jaǵdaıda, jaqsy nátıjeniń ornyna syrqattaryńyzdy asqyndyryp alýyńyz múmkin).
Kúrish dıetasynyń maqsaty
Esterińizge sala keteıik, artyq salmaqtan arylýǵa arnalǵan zamanaýı dıetalardyń barlyǵy bir maqsat boıynsha jumys isteıdi: siz belgili bir ýaqytta kalorııasy tómen, biraq kólemi áldeqaıda úlken taǵamdardy paıdalana bastaısyz. Al siz jeıtin taǵamda qajetti kalorııa jetispegen soń, aǵza ózindegi artyq maılarmen qorektene bastaıdy. ıAǵnı, sizdiń dıetańyzǵa oraı, bel men jambastaǵy artyq maılar osylaı kete bastaıdy. Bul jaǵdaıda siz qabyldaǵan dıetalyq taǵamdar toıymdy bolǵan soń, qaryn ashýshylyq sezilmeıdi.
Osyndaı kólemi úlken ári kalorııasy tómen sanalatyn kúrishtiń taǵy bir qosymsha paıdasy bar: sýǵa salynǵan soń, ol borpyldaq kúıge kóshedi. Al bul óz kezeginde aǵzada jyldar boıy jınalǵan zııandy zattardyń bárin shyǵarýǵa kómektesedi (býynǵa jınalyp, olardyń qozǵalysyn tómendetetin ártúrli tuzdar men shlaktar). Alaıda, kúrish dıetasyn uzaq ýaqyt boıy qoldansańyz, aǵzadaǵy zııandy zattardan bólek, kalıı sekildi qajetti zattar da azaıa bastaıdy. Mine, osyǵan oraı, kúrish dıetasyn qoldaný merzimi ártúrli bolyp keledi.
Kúrish dıetalary
Aǵzany tazartýǵa arnalǵan eń qarapaıym kúrish dıetasy mynadaı: kún saıyn tańerteń ash qarynǵa dymqyl kúrishti jeńiz. Tipti, sý ishýge de bolmaıdy. Kúrish dánderiniń kólemi sizdiń jasyńyzǵa baılanysty (1 jasqa - 1 dán). Mundaı tańǵy astan soń úsh saǵat boıy ishýge de, jeýge de bolmaıdy. Uıyqtardan úsh saǵat buryn tamaq ishýdi doǵaryńyz. Alaıda, shaı, sý jáne shyryn ishýge bolady. Kúrish dıetasyn qoldanǵan 10 kúnde un taǵamdaryn, makaron men kartoptan aýlaq bolyńyz. Mundaı kúrish protsedýrasyn jarty jylda bir retten artyq istemeńiz.
Kúrish dıetasynyń taǵy bir nusqasyn mynadaı: aptasyna bir ret bir stakan kúrishti (tuzsyz) qaınatyp, kúni boıy sýmen, mınarldy gazsyz sý nemese shyrynmen kishigirim kólemde jeńiz. Mundaı dıetany bir-eki aı boıy ustanýǵa bolady. Alaıda, bul dıeta kezinde tamaqtaný mázirińizge balyq (tuzdy jáne keptirilgen balyqtan bólek) pen jemis-jıdek, kógenisterdi qosyńyz.
Eń nátıjeli kúrish dıetasy mynadaı: kún saıyn keshkisin bankigýe eki as qasyq kúrishti salyp, ústine sý qoıyp, qarańǵy jerge qoıyńyz. Tańerteń bir stakan taza sý iship, keıin sýǵa bóktirilgen kúrishti jýyp, tuzsyz qaınatyńyz. Álgi daıyndalǵan kúrishti jeńiz de, keıin tórt saǵat boıy eshteńe iship-jemeńiz. Osydan soń, kúndegideı tamaqtana berińiz, biraq aşy taǵamdardan aýlaq bolyńyz. Kúrishten daıyndalǵan tańǵy asty eki apta boıy kún saıyn paıdalanyńyz (eki aptadan aspasyn, sebebi, kúrish aǵzadaǵy paıdaly zattardy da ózine sińirip ala bastaıdy). Kúrish dıetasyn qoldanǵan kezde densaýlyǵyńyzda azdap syrqattar bolýy múmkin (mysaly, bas aýrýy). Alaıda, bir kún ishinde bul syrqattan aıyǵasyz (eger syróat jalǵasa berse, 2-3 kún úzilis jasap, jemister men kókónisterdi kóbeıtińiz). Eki aptalyq kúrish dıetasyn tek bir-jarym eki jyl ótken soń ǵana qaıtalaýǵa bolady.
Kerek keńes confederation.kz saıtynan alyndy.
