Densaýlyq adamnyń ómir saltyna baılanysty - A.Qurmanbaeva
ASTANA. QazAqparat - Adam densaýlyǵynyń 50 paıyzy onyń ómir saltyna táýeldi. Bul týraly búgin baspasóz máslıhatynda Astana qalasynyń Salaýatty ómir saltyn qalyptastyrý ortalyǵynyń atqarýshy dırektory Aqmaral Qurmanbaeva málim etti.
«SÓS mamandarynyń keltirgen málimetteri boıynsha, densaýlyqtyń 50 paıyzy adamnyń ómir saltyna baılnasty, 20-23 paıyzy tuqymqýalaýshylyq faktorǵa táýeldi, 20-25 paıyzy qorshaǵan orta men ekologııaǵa, 8-10 paıyzy ulttyq densaýlyq saqtaý júıesiniń jumysyna baılanysty», - deıdi A.Qurmanbaeva.
Qazaqstanda halyq densaýlyǵyn qalyptastyrýdyń basty baǵyty salaýatty ómir saltyn ustaný bolýy tıis, dep esepteıdi sarapshy.
Aıta keteıik, jaman ádetter, temeki shegý, alkogoldik ishimdikter ishý, salaýatty ómir saltyn ustanbaý adamnyń ómirin shamamen 15 jasqa qysqartady.
Astana qalasy Densaýlyq saqtaý basqarmasynyń málimetteri boıynsha, elordada 117 myńnan astam oqýshy bar. Basqarma oqýshylardyń negizinen qandaı aýrýlarǵa shaldyǵatyndyqtaryn anyqtaǵan. Olardyń densaýlyǵyna jasalǵan tekseristerdiń nátıjeleri boıynsha, birinshi orynda ókpe, dem alý organdarynyń aýrýlary tur. Ekinshi - as qorytý júıeleriniń aýrýlary. Úshinshi orynda - kóz aýrýlary, tórtinshisi - júıke júıesiniń aýytqýy, besinshide - qan aýrýlary, anemııa syndy kemshilikter anyqtalǵan.
