«Densaýlyq-2010» spartakıadasy bastaldy
. QazAqparat /Ádilet Musahaev/ - Búgin Almatydaǵy T. Rysqulov atyndaǵy QazEÝ-de oqytýshylar quramy men qyzmetkerleri arasynda «Densaýlyq - 2010» spartakıadasy bastaldy,
dep habarlaıdy QazAqparat.
«Ýnıversıtetimizdegi qyzmetkerlerdiń spartakıadaǵa belsene qatysýy, sportqa kóp kóńil bóletindigi qýantarlyq jaǵdaı. Bizde olardyń salaýatty ómir saltyn saqtaýyna barlyq jaǵdaı jasalǵan», deıdi ýnıversıtet rektory Álı Ábishev.
Jyl saıyn ótetin dástúrli spartakıadaǵa bıyl 9 komanda qatysyp, qol kúresi, basketbol, voleıbol, darts, shaǵyn fýtbol, arqan tartysy, shahmat, doıby sııaqty sport túrlerinen synǵa túsedi.
Spartakıada qańtardyń 22-si kúni aıaqtalyp, jeńimpazdar marapattalatyn bolady.
