Densaýlyqqa baqylaý: profılaktıkalyq tekserýlerge qatysý jasy 76 jasqa deıin artty

ASTANA. KAZINFORM — Qazaqstanda densaýlyq skrınıngi baǵdarlamalary jańartyldy, dep habarlaıdy Densaýlyq saqtaý mınıstrliginiń baspasóz qyzmeti.

Ózgerister aýrýlardy erte anyqtaýdyń tıimdiligin arttyrýǵa jáne halyqty qamtýdy keńeıtýge baǵyttalǵan.

Dáleldi tıimdiligi bar zertteýler engizildi, sonyń ishinde:

— TTLP (tómen tyǵyzdyqtaǵy lıpoproteıdter),

— trıglıtserıdter,

— glıkırlengen gemoglobın.

— Skrınıngke qatysý jasy 76 jasqa deıin ulǵaıtyldy, bul profılaktıkalyq baǵdarlamalarǵa egde jastaǵy adamdardy kóbirek tartýǵa múmkindik beredi. Arnaıy mamandardyń negizsiz konsýltatsııalary alynyp tastaldy. Eger zertteý nátıjeleri qalypty bolsa, skrınıngti meıirger — basqa mamandarǵa joldamasyz aıaqtaýy múmkin, — delingen vedomstvo habarlamasynda.

Tserebrovaskýlıarlyq buzylýlardyń aldyn alý úshin MÁMS-ke 50 + erlerge arnalǵan jańa skrınıng engizildi: brahıotsefalııalyq tamyrlardyń ýltradybystyq zertteýi eki jylda 1 ret.

Qyrkúıek aıynan bastap onkoskrınıngterdiń barlyq kezeńderi TMKKK sheńberinde qoljetimdi boldy, bul zerttep-qaraýdan ótýdi jeńildetedi jáne halyqqa qarjylyq júktemeni azaıtady. Jańartylǵan standarttar skrınıngterdi dálirek, zamanaýı jáne patsıentterge yńǵaıly etedi.

Budan buryn Qazaqstanda patsıentterdi PET/KT-ǵa jiberý úshin biryńǵaı úılestirý ortalyǵy qurylǵanyn jazǵanbyz.