Densaýlyq saqtaý vıtse-mınıstri Aqtaýdaǵy tamaqtan ýlanǵan oqýshylardyń jaǵdaıymen tanysty
AQTAÝ. KAZINFORM – Mańǵystaý oblysyna QR Densaýlyq saqtaý vıtse-mınıstri Erjan Nurlybaev jáne Astana medıtsınalyq ýnıversıtetiniń dárigerleri keldi. Olar oblystyq balalar juqpaly aýrýlar aýrýhanasyna baryp, tamaqtan ýlanǵan oqýshylardyń jaǵdaıymen tanysyp, qabyldaý bólimindegi mamandarynyń jumysyn kórdi.
Vıtse-mınıstri Erjan Shákiruly balalardyń densaýlyǵy jaqsaryp, tez qalpyna kelýi úshin sapaly medıtsınalyq kómek kórsetýdi tapsyryp, jaǵdaıdyń baqylaýda ekenin jetkizdi.
Mańǵystaý oblystyq balalar kópbeıindi aýrýhanasynyń dırektory Gúljan Ermekbaevanyń aıtýynsha, jaǵdaı turaqtalyp keledi.
– Dári-dármek qory men tósek-oryn jetkilikti. Medıtsınalyq qyzmetkerler epıdemıologııalyq jaǵdaıǵa baılanysty túngi kezekshilikpen jumys isteýde. Qabyldaý bólimine kelip jatqan balalardyń sany da azaıyp keledi. Búgin 15 shaqty bala úılerine shyǵarylýy múmkin, - deıdi Gúljan Ermekbaeva.
Eske salaıyq, Mańǵystaýda Munaıly aýdanynda bir mekteptiń 500-ge jýyq oqýshysy astan ýlanyp qaldy. Olardyń barlyǵy da mektep ashanasynda tegin ystyq tamaq ishkennen keıin aýyrǵan. Osy oqıǵadan keıin búkil el boıynsha mektepterdiń ashanasy tekseriletin boldy.
