Densaýlyq saqtaý salasyndaǵy 30-dan astam túrli aqparattyq júıe biryńǵaı platformaǵa biriktiriledi

ASTANA. KAZINFORM — Memleket basshysynyń Qazaqstandaǵy Joldaýyn júzege asyrý aıasynda elimizde densaýlyq saqtaý júıesindegi 30-dan astam aqparattyq júıe ńtaılandyrylyp, biryńǵaı tsıfrlyq platformaǵa biriktiredi. Bul týraly Úkimettiń baspasóz qyzmeti máldim etti.

Bul dárigerlerge ákimshilik júktemeni azaıtýǵa jáne búkil júıeniń tıimdiligin arttyrýǵa múmkindik beredi. 

Sheshim jańa tehnologııalardyń paıda bolýyn jáne medıtsına qyzmetkerleriniń jumys protsesterin jeńildetý qajettiligin eskere otyryp qabyldandy. Júıelerdi biriktirý biryńǵaı derekqordy qurýǵa, málimetterdi qolmen berý qajettiligin joıýǵa jáne dárigerlerdiń naýqastarmen tikeleı jumys isteý ýaqytyn bosatýǵa múmkindik beredi dep kútilýde.

— Búgingi tańda Densaýlyq saqtaý mınıstrliginde 30-dan astam aqparattyq júıe bar, bul dárigerler men qyzmetkerlerge qıyndyqtar týǵyzýda. Óıtkeni, olar óz protsesiniń bir bóligi retinde bir júıege esepke alý úshin dári-dármekterdi engizý, basqa júıege kirip, óz akkaýnty men qupııa sózi bolýy kerek,— dep atap ótti Dmıtrıı Mýn. Jobany júzege asyrý bastaldy. Jyl sońyna deıin jeti júıe biryńǵaı platformaǵa kóshiriledi. 

Aıta keteıik, bolashaqta dárigerlerge arnalǵan JI-assıstent jumys isteıtin bolady.