Densaýlyq saqtaý protsesterin tsıfrlandyratyn aqparattyq júıe qurylady
ASTANA. KAZINFORM – Densaýlyq saqtaý protsesterin tsıfrlandyratyn biryńǵaı aqparattyq júıe qurylyp jatyr. Bul týraly Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
- Qazirgi ýaqytta densaýlyq saqtaý salasynda biryńǵaı aqparattyq júıe qurý jumystary júrgizilip jatyr. Ol densaýlyq saqtaý protsesterin ońtaılandyryp, tsıfrlandyratyn bolady. Aqparattyq júıelerdi ońtaılandyrý men ıntegratsııalaý arqyly barlyq densaýlyq saqtaý uıymdarynda (dástúrli medıtsınamen aınalysatyn uıymdardy qosa alǵanda) túpkilikti baqylaý jáne derekterdiń obektıvtiligin qamtamasyz etý múmkindigi bolady. Osy jyldyń aqpan aıynda Densaýlyq saqtaý mınıstrligi saladaǵy medıtsınalyq uıymdarda (menshik nysanyna qaramastan) qoldanylatyn aqparattyq júıelerge qoıylatyn talaptardy bekitti, - dedi Úkimet basshysy jaýabynda.
Aıta keteıik, qoldanystaǵy zańnamaǵa sáıkes, dástúrli medıtsınanyń birneshe túrine – gomeopatııa, refleksoterapııa, fıtoterapııa, manýaldyq terapııa, gırýdoterapııa, sý-djok terapııaǵa ruqsat berilgen.
Sonymen qatar Densaýlyq saqtaý mınıstrligi dástúrli medıtsına ádisterin reglamentteý maqsatynda standart ázirlep jatyr.