Jambyl oblysynda perzenthanadaǵy ana ólimine baılanysty jospardan tys tekserý bastaldy

ASTANA. KAZINFORM – Densaýlyq saqtaý mınıstrligi Jambyl oblystyq perınataldyq ortalyǵyna qatysty jospardan tys tekserýdi bastady.

Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń Jambyl oblysy boıynsha departamenti Jambyl oblystyq perınataldyq ortalyǵyna qatysty jospardan tys tekserýdi bastady. 

— Tekserýge bosanǵan áıeldiń qaıtys bolýyna baılanysty qaıǵyly jaǵdaı negiz boldy.

Tekserý sheńberinde medıtsınalyq personaldyń barlyq kezeńderdegi is-áreketterine quqyqtyq baǵa beriledi.

Baqylaý is-sharalary aıaqtalǵannan keıin tekserý materıaldary protsestik sheshim qabyldaý úshin tıisti organdarǵa beriledi, — delingen mınıstrlik habarlamasynda.

Densaýlyq saqtaý mınıstrligi patsıentterdiń qaýipsizdigi qaǵıdattaryna jáne medıtsınalyq etıkany buzýǵa múldem tózbeýshilikke óziniń beıildiligin atap kórsetedi.

Tekserý nátıjeleri týraly jurtshylyqqa qosymsha habarlanady.

Aıta ketelik elde ana ólimin azaıtýǵa baǵyttalǵan keshendi sharalar qolǵa alynatyny týraly jazǵan edik.