Densaýlyq saqtaý mınıstrligi medıtsınalyq personaldy qorǵaýdy kúsheıtýge nıetti

ASTANA. KAZINFORM – Densaýlyq saqtaý mınıstrligi qylmystyq kodekske engiziletin túzetýler arqyly medıtsına qyzmetkerlerin qorǵaýǵa bastamashy bolady. Bul týraly atalǵan vedomostvonyń baspasóz qyzmeti jazdy. 

Jaqynda medıtsına qyzmetkerlerine shabýyl jasaý oqıǵalary jıilep ketti. 

Densaýlyq saqtaý mınıstrligi qyzmettegi adamdarǵa qarsy bul áreketterdi múldem adamgershilikke jat jáne zańsyz dep sanaıdy jáne zań shyǵarý salasynyń quraldaryn qoldana otyryp, medıtsınalyq personaldy qorǵaýdy kúsheıtýge nıetti.

«Densaýlyq saqtaý mınıstrligi qyzmettik boryshyn oryndaý barysynda medıtsına qyzmetkerlerine shabýyl jasaǵany úshin qylmystyq jaýaptylyqty kózdeıtin Qylmystyq kodekske jekelegen normany engizýge baǵyttalǵan túzetýlerge qaıta bastamashylyq jasaıtyn bolady» - delingen habarlamada. 

Usynylǵan normalar Qylmystyq kodeks olardyń kásibı mindetterin qurmetteýdiń mańyzdylyǵyn kórsete otyryp, medıtsınalyq personaldy qorǵaýdy edáýir kúsheıtýge arnalǵan. Jaqyn arada daıyndalǵan zańnamalyq túzetýler quqyq qorǵaý jáne múddeli organdardyń qatysýymen vedomstvoaralyq jumys tobynda talqylaý úshin usynylatyn bolady.

Eske sala keteıik, buǵan deıin Şýchede jedel járdem júrgizýshisine jasalǵan shabýyl týraly jazǵan bolatynbyz.