Densaýlyq saqtaý mınıstrligi medıtsınalyq kómektiń biryńǵaı paketin qalyptastyrýdyń jańa tásilin usyndy
ASTANA. KAZINFORM - Densaýlyq saqtaý mınıstrligi 2027 jylǵa qaraı MÁMS paketine medıtsınalyq-sanıtarııalyq alǵashqy medıtsınalyq kómek (MSAK) qyzmetterin qosýdy kózdeıtin Biryńǵaı paketke kezeń-kezeńmen kóshýdi usynady.
Álemniń damyǵan elderiniń praktıkasynda, sondaı-aq áleýmettik medıtsınalyq saqtandyrýdy engizgen keńestikten keıingi keńistik elderinde MSAK qyzmetteri saqtandyrý paketine kiredi.
Bul rette MÁMS-tegi saqtandyrý mártebesine qaramastan barlyq azamattar úshin memlekettiń tegin kepildikteri (TMKKK) medıtsınalyq kómektiń mynadaı túrlerine saqtalady:
- Jedel járdem;
- Barlyq ınfektsııalyq aýrýlardy dıagnostıkalaý jáne emdeý;
-Azamattardyń densaýlyǵyna eń kóp zııan keltiretin áleýmettik máni bar aýrýlar (týberkýlez, psıhıkalyq, minez-qulyq buzylystary, AITV, onkologııa, sozylmaly gepatıtter men baýyr tsırrozy, orfandyq aýrýlar, jedel mıokard ınfarktisi, ınsýlt) kezinde dıagnostıka, emdeý, dári-dármekpen qamtamasyz etý, statsıonarlyq jáne statsıonardy almastyratyn kómek;
- Ómirge qaýip tóndiretin jaǵdaılarda shuǵyl statsıonarlyq kómek;
- Pallıatıvtik kómek;
- Qan preparattarymen qamtamasyz etý.
Usynylyp otyrǵan medıtsınalyq kómektiń biryńǵaı paketin engizý mynadaı oń ózgeristerge ákeledi. Bul TMKKK jáne MÁMS shekaralarynyń aıqyndylyǵy, qyzmetterdiń qaıtalanýynsyz, áleýmettik máni bar aýrýlarǵa kúdik týyndaǵan kezde zerttep-qaraýlardyń qoljetimdiligi jáne MÁMS mártebesine qaramastan onkoskrınıngterden ótý, naqty shyǵyndarǵa sáıkes tarıfterdiń ósýi.
Saqtandyrý modelinde memleket balalar, júkti áıelder, zeınetkerler, stýdentter, jumyssyzdar, múgedektigi bar adamdar jáne halyqtyń basqa da sanattary kiretin jeńildikterdiń 15 sanaty úshin jarnalardy engizýdi jalǵastyratynyn aıta ketý kerek. Sondyqtan atalǵan áleýmettik osal sanattar, al olar 11,9 mln-nan astam qazaqstandyqty quraıdy, memleket qorǵaǵan jáne olarǵa barlyq deńgeıdegi medıtsınalyq kómekke, onyń ishinde MSAK qyzmetterine qoljetimdilik qamtamasyz etiletin bolady.
MÁMS júıesinde saqtandyrylǵan eńbekke qabiletti jastaǵy azamattar, bul 5 mln. adam, sondaı-aq medıtsınalyq kómekke qoljetimdilikti tolyq kólemde saqtaıdy.
Budan basqa, áleýmettik ál-aýqattyń daǵdarystyq (D) jáne shuǵyl (E) deńgeılerine jatatyn, ıaǵnı tabysy tómen 1 mln-nan astam eńbekke qabiletti jastaǵy azamattar 2026 jyldan bastap MÁMS júıesinde saqtandyrylǵandardyń qataryna jergilikti atqarýshy organdardyń esebinen kiredi jáne MÁMS paketinde qosymsha medıtsınalyq kómekti kedergisiz ala alady.
Eńbekmıni otbasynyń tsıfrlyq kartasyna sáıkes A, V, S sanatyna jatatyn, jetkilikti tabysy bar qalǵan sanattar medıtsınalyq kómek alý úshin derbes saqtandyrylýy tıis.
Osy sanattaǵy azamattardy MÁMS júıesine engizý nátıjesinde áleýmettik máni bar aýrýlary bar adamdar tobyndaǵy saqtandyrý deńgeıi 93%-ǵa deıin artady.
MSAK qazirdiń ózinde saqtandyrý paketterine engizilgen halyqaralyq praktıkalar mańyzdy mysal bolyp tabylady. Mysaly, negizgi memlekettik medıtsınalyq kómektiń biryńǵaı paketi mynalardy qamtıdy:
Reseıde - sanıtarııalyq avıatsııa, AITV/JITS, jynystyq jolmen beriletin ınfektsııalar, týberkýlez jáne psıhıkalyq aýrýlar;
Estonııada - jedel medıtsınalyq kómek, AITV/JITS, ınfektsııalar, týberkýlez jáne psıhıkalyq aýrýlar;
Lıtvada - tek kezek kúttirmeıtin medıtsınalyq kómek;
Germanııa men Nıderlandyda - tek meıirgerlik kútim.
Qazaqstan óz kezeginde bazalyq memlekettik medıtsınalyq kómektiń biryńǵaı paketine shet elderdegi qyzmetterden edáýir asatyn qyzmetterdi engizdi.
Osylaısha, halyqty medıtsınalyq saqtandyrýmen qamtýdy ulǵaıtý boıynsha qabyldanǵan sharalar, memlekettiń halyqtyń jeńildikti sanatyn saqtandyrý jónindegi mindettemeleri medıtsınalyq kómektiń, onyń ishinde MSAK kórsetýdiń qoljetimsizdigi qaýipterin barynsha azaıtady.
Bul normalar «Mindetti áleýmettik medıtsınalyq saqtandyrý máseleleri boıynsha keıbir zańnamalyq aktilerge ózgerister men tolyqtyrýlar engizý týraly» Qazaqstan Respýblıkasy Zańynyń jobasy sheńberinde jurtshylyqty talqylaý úshin Ashyq NQA portalynda jarııalandy.