Mańǵystaý oblysynda balalardyń ýlaný deregine qatysty tekserý bastaldy

ASTANA. KAZINFORM — Densaýlyq saqtaý mınıstrligi Mańǵystaý oblysynyń Beıneý aýdanyndaǵy Manashy jalpy bilim beretin mektebiniń 12 oqýshysynyń arasynda tamaqtan bolǵan toptyq ınfektsııalyq aýrý faktisi boıynsha tekserý bastalǵanyn habarlady.

Улану
Фото: Денсаулық сақтау министрлігі

Derekke qaraǵanda, oqıǵaǵa baılanysty sanıtarııalyq-profılaktıkalyq is-sharalar ótkizý týraly qaýly shyǵarylyp, ákimdiktiń janynan shtab qurylǵan. Sonymen qatar Beıneý aýdandyq polıtsııa basqarmasyna, Mańǵystaý oblystyq polıtsııa departamentine, bilim basqarmasyna, aýdandyq jáne oblystyq prokýratýraǵa hattar jiberildi.

Aýdandyq polıtsııa basqarmasy habarlamasynyń negizinde Manashy mektebiniń ashanasy jabyldy.

- Tergeý sheńberinde basqarma mamandary USO Mańǵystaý oblysy fılıalynyń mamandaryn tarta otyryp, tamaq ónimderiniń, sýdyń, shaıyndylardyń, dezquraldardyń synamalaryn irikteı jáne qyzmetkerlerdi ishek ınfektsııasyn tasymaldaýǵa zerttep-qaraı otyryp, nysanǵa shyǵýdy júzege asyrdy, synamalardyń nátıjeleri zerttelip jatyr, - delingen aqparatta.

Ýlanǵan 14 jastaǵy jasóspirimder ambýlatorııalyq emdelýde, medıtsına qyzmetkerleriniń baqylaýynda. Qabyldaý bólmesine túsken kezde olar qusý, jalpy álsizdik, ishtiń ótýi, ishtiń aýyrýy, jaǵdaıynyń qanaǵattanarlyq ekeni týraly shaǵymdandy.

Saýalnamaǵa qatysqan mektep oqýshylarynyń ata-analary aýrýdy mekteptiń ashanasyndaǵy sapasyz tamaqpen baılanystyrady, onda bastaýysh synyptardyń 417 oqýshysy ystyq tamaqpen qamtylǵan.

460 bala zardap shekken Munaıly aýdanynda balalardyń jappaı ýlanýyna baılanysty mektep ashanasyn jalǵa alýshyǵa qatysty qylmystyq is aıaqtalyp,materıaldar sot organdaryna berilgenin esterińizge sala keteıik.

Buǵan deıin Jambyl oblysynda balalardyń astan jappaı ýlaný sebebi aıtyldy.

Сейчас читают