Densaýlyq saqtaý mınıstrligi kez kelgen jerden et almaýǵa keńes berdi

Qazaqstandyqtarǵa et jáne et ónimderin ruqsat etilgen oryndardan satyp alýǵa keńes berildi, dep habarlaıdy Kazinform. 

«Bıyl elimizde kúıdirgi aýrýy boıynsha 37 jaǵdaı tirkeldi. Onyń ishinde 19 jaǵdaı Jambyl oblysynda, 15 jaǵdaı Aqmola oblysynda jáne 3 jaǵdaı Qaraǵandy oblysynyń Abaı aýdanynda boldy. Qazir statsıonarda 3 naýqas em alyp jatyr. Kúıdirgi aýrýynyń juǵýyna aýyrǵan maldardy soıý, onyń etin tasymaldaý, saqtaý jáne aýrý mal etin kádege asyrý sebep», - dedi QR Densaýlyq saqtaý vıtse-mınıstri Aıjan Esmaǵambetova Ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń aıtýynsha, maldy veterınarııalyq kýáliksiz soıýǵa bolmaıdy. Sondaı-aq A.Esmaǵambetova kúıdirgi aýrýynan aýlyq bolýdyń joldaryn atady.

«Et jáne et ónimderin ruqsat etilgen bazar, dúkenderden satyp alý qajet. Kez kelgen jerden satyp almaǵan jón. Etti jaqsylap pisirý jáne tolyq pispegen ettiń dámin kórýdiń qajeti joq. Taǵy bir mańyzdy jaıt kúıdirgini juqtyrǵan jaǵdaıda ózin-ózi emdeýge bolmaıdy. Óıtkeni ol aýrýdyń asqynýyna ákelýi múmkin jáne ólim qaýpin arttyrady», - deıdi ol.