Densaýlyq saqtaý mınıstri ógeı ákesi zorlaǵan 3 jasar egiz qyzdyń jaǵdaıyn aıtty

Ortalyq kommýnıkatsııalar qyzmetinde ótken brıfıngide Densaýlyq saqtaý mınıstri Ajar Ǵınııat ógeı ákesinen zorlyq kórgen úsh jasar egiz qyzdardyń qazirgi jaǵdaıyn aıtty, dep habarlaıdy QazAqparat tilshisi.

«Búginde balalardyń densaýlyǵy ortasha aýyr, dárigerlerdiń baqylaýynda. Ol búldirshinderde zorlaý belgileri bolǵanyn bizdiń medıtsına mamandary birden anyqtady. Olar tolyq tekserýden ótti. Bul fakti týraly quqyq qorǵaý organdaryna habarlandy. Alynǵan jaraqattaryna baılanysty balalarǵa operatsııa jasaldy. Qazirgi tańda olardyń densaýlyǵyna qaýip tónip turǵan joq», - dedi Ajar Ǵınııat OQK-de ótken brıfıngide BAQ ókilderiniń saýalyna jaýap bere otyryp.

Eske sala keteıik, 3 qazan kúni kishkentaı egiz qyzdy zorlady degen kúdikpen Almaty oblysynda er adam ustalǵan edi. Keshe kúdiktiniń áıeli de qamaýǵa alyndy.

Sonymen qatar basqa bir almatylyq turǵyn 1-synyptaǵy balasynyń zorlanǵanyn málimdedi.