Densaýlyq saqtaý ınfraqurylymynyń tsıfrlyq kartasy ázirlenip jatyr

ASTANA. KAZINFORM – Qazaqstanda densaýlyq saqtaý salasyndaǵy nysandardyń tsıfrlyq kartasyn ázirleý jumystary jalǵasyp jatyr. Bul týraly Densaýlyq saqtaý vıtse-mınıstri Tımýr Muratov Ortalyq kommýnıkatsııalar qyzmetinde ótken baspasóz máslıhatynda málimdedi. 

– 2024 jyly 10 óńir boıynsha densaýlyq saqtaý ınfraqurylymy nysandarynyń tsıfrlyq kartasy ázirlenip, ol Densaýlyq saqtaý mınıstrliginiń aqparattyq júıelerimen ishinara ıntegratsııalandy. Qalǵan 10 óńirge qatysty jobany 2025 jyly aıaqtaýdy josparlap otyrmyz, – dedi Tımýr Muratov.

Onyń aıtýynsha, ınfraqurylymdy damytý sheńberinde 2024-2030 jyldarǵa arnalǵan tujyrymdama ázirlenip, onda 40-tan astam is-shara kózdelgen. Atap aıtqanda, uzaq merzimdi óńirlik sheberlik josparlaryn daıyndaý – negizgi mindetterdiń biri.

– Qazirgi tańda Qaraǵandy, Qyzylorda, Mańǵystaý, Jambyl, Aqtóbe, Ulytaý jáne Jetisý oblystary boıynsha sheberlik josparlaryn ázirleý aıaqtaldy. Qalǵan óńirler boıynsha jumys jalǵasyp jatyr, – dedi ol.

Sondaı-aq vıtse-mınıstrdiń málimetinshe, elimizde densaýlyq saqtaý salasyndaǵy 34 zákirlik jobany júzege asyrý kózdelgen. Sonyń ishinde úsh joba – Astanadaǵy Ulttyq ǵylymı onkologııa ortalyǵy men Ulttyq shuǵyl medıtsına ortalyǵy iske qosyldy. Al Almatyda Ulttyq ınfektsııalyq aýrýlar ǵylymı ortalyǵy bıyl paıdalanýǵa beriledi.

Buǵan deıin, emhanalar men statsıonarlardaǵy medıtsınalyq kómekke qoljetimdilikti arttyrý maqsatynda densaýlyq saqtaý mınıstrligi halyqaralyq standarttarǵa saı dıagnostıkalyq rásimderdi ońtaılandyrý jumystaryn júrgizilgenin jazǵanbyz.