Denıs Ýlanov Ulybrıtanııadaǵy halyqaralyq týrnırde altyn medal ıelendi
NUR-SULTAN. QazAqparat - Brıtandyq Koventrı qalasynda aýyr atletıkadan «British International Open» halyqaralyq týrnıri ótip jatyr, dep habarlaıdy QazAqparat tilshisi Ulttyq olımpıada komıtetine silteme jasap.
Qazaqstandyq aýyr atlet Denıs Ýlanov atalmysh týrnırde altyn medal ıelendi. 81 kelige deıingi salmaqta otandasymyz aldyna jan salǵan joq. Qossaıysta 325 keli nátıjeni (145+180) kórsetip, halyqaralyq týrnırde top jardy.
Denısten bólek, atalmysh týrnırde Ilıa Ilın de óner kórsetedi. Ilıa 96 kelige deıingi salmaqta Qazaqstannyń namysyn qorǵaıdy.
Qazaqstan atynan atalmysh birinshilikke Ilıa Ilın (96 kelige deıingi salmaqta) men Denıs Ýlanov (81 kelige deıingi salmaqta) qatysatyny osyǵan deıin habarlaǵan bolatynbyz.
Qazaqstan aýyr atletıka federatsııasynan habarlanǵandaı, atalǵan chempıonatta kem degende qola medal alǵandar 2020 jyly Tokıoda ótetin Olımpıada oıyndaryna qatysa alady.
