Denıs Tenniń shetelden kelgen dostarynyń zattaryn jymqyrǵan azamat quryqtaldy
ASTANA. 29 mamyr. QazAqparat - Almatylyq polıtsııa qyzmetkerlerine «Denıs Ten jáne dostary» atty muz ústindegi shoýǵa shaqyrylǵan eki eldiń sportshy qyzdarynyń jeke zattaryn urlaǵan kúdiktini qolǵa túsirý úshin nebári bir táýlik qajet boldy.
Shoýǵa qatysýshy 3 qyzdyń kıim sheshetin bólmesinen qymbat aıpadtar, uıaly telefon, noýtbýk pen 5 myń AQSh dollary urlanǵan. Bul týraly QR ІІM málimetterinde habarlandy.
«Kúzetshilerdi, qyzmetkerler quramyn jáne shoýdy uıymdastyrýshylardy jan-jaqty surastyrǵanda, jedel tergeý amaldaryna járdem beretin málimetter alynǵan joq. Degenmen jedel izdestirý sharalarynyń nátıjesinde krımınaldy polıtsııa qyzmetkerleri 48 jastaǵy ShQO-da týǵan azamatty ustap, ol urlyq jasaǵandyǵyn moıyndady»,-delingen habarlamada.
Kúdiktiden aqshanyń bir bóligi men urlanǵan uıaly telefondardyń biri alyndy.
Qazirgi tańda qylmystyq is boıynsha aldyn ala tergeý jumystary júrgizilýde, kúdikti ýaqytsha oqshaýlaǵyshqa qamaldy.
